Pałata pradstaŭnikoŭ nacyjanalnaha schodu niečakana dla naziralnikaŭ vyrašyła zrabić zapyt da hieneralnaha prakurora Biełarusi ŭ spravie źnikłych apazycyjnych palitykaŭ.
Za pryniaćcie hetaha rašeńnia prahałasavali 59 deputataŭ pałaty. Na adkryćci sesii za ŭklučeńnie hetaha pytańnia ŭ paradak dnia hałasavali 56 deputataŭ. Zaraz hienprakuror Šejman musić na praciahu 30 dzion dać adkaz na deputacki zapyt, u jakim zadajucca pytańni pra abstaviny zatrymańnia i vyzvaleńnia sa śledčaha izalatara Z.Paŭličenki, pra miescaznachodžańnie Z.Zavadzkaha, pra praciah śledztva pa faktach źniknieńniaŭ Ju.Zacharanki, A.Krasoŭskaha i V.Hančara.
Były načalnik mienskaha śledčaha izalatara Aleh Ałkajeŭ pieradaść knihu vydačy rasstrelnaha pistaleta SIZA Siarhieju Kavalovu, siabru kamisii Parlamenckaj asamblei Rady Eŭropy pa raśśledavańni źniknieńniaŭ biełaruskich apazycyjaneraŭ. Ałkajeŭ ahučyŭ toj fakt, što peryjady vydačy pistaleta kamandziru SOBRu Paŭličenku supadali z datami źniknieńniaŭ spačatku Juryja Zacharanki, a potym Hančara z Krasoŭskim.
Ciapier čytajuć
«Ni tady, ni siońnia ja nie liču, što zrabiŭ štości kiepskaje». Dziadok ščyra raskazaŭ pra byłyja adnosiny z 16‑hadovaj dziaŭčynaj26
Kamientary