Asoby tydnia

23 traŭnia 2003 h.

Jan Pavał II adśviatkavaŭ 83-i dzień narodzinaŭ. Jahony pantyfikat — samy praciahły ŭ historyi.

Rusłan Salej u składzie «Anahajm Majty Dakz» vyjšaŭ u finał Kubku Stenli.

Vincent Sołtan, kiraŭnik Vałožynskaj arhanizacyi BNF, 15 traŭnia ŭračysta zapuściŭ malka taŭstałobika ŭ Ivianieckaje voziera. Taŭstałobik (Hypophthalmichthys molitrix) jeść vodaraści — nie daje vozieru zarastać.

Alaksandar Ihnaciuk, redaktar hazety «Viečiernij Stolin», staŭ čarhovaj achviaraj kryminalnaha artykułu pa «źniavazie słužbovaj asoby». Jahonyja vypady ŭ adras Uładzimiera Paškieviča, staršyni Stolinskaha rajvykankamu, byli nastolki rezkija, što šancaŭ na pieramohu ŭ sudzie praktyčna niama. Biełaruskaja asacyjacyja žurnalistaŭ u čarhovy raz zaklikała ŭłady ŭstrymacca ad kryminalnaha pieraśledu za žurnalisckuju dziejnaść.

Hienadź Voranaŭ, kiraŭnik połackaje arhanizacyi AHP, uznačaliŭ inicyjatyŭnuju hrupu, što choča kantralavać pryvatyzacyju ŭ horadzie.

Alaksandar Maskievič, prarektar Haradzienskaha ŭniversytetu, admoviŭsia biazvypłatna pryniać ad arhanizacyi «Ratuša» ryzohraf. Maŭlaŭ, HarDU nia maje hrošaj na absłuhoŭvańnie takoj aparatury.

Advakat Hary Pahaniajła miarkuje ŭvosień dajści z spravaj źnikłych palitykaŭ da Eŭrapiejskaha sudu. Zinaida Hančar i Iryna Krasoŭskaja padali ŭ sud Centralnaha rajonu skarhu na prakuraturu, jakaja spyniła spravu pra vykradańnie ich mužoŭ. Kali tam admoviać, žančyny pojduć u haradzki, a potym u Viarchoŭny sud. Kali j tam spravu adchilać — pajeduć u Brusel.

Siabry KCHP-BNF Žodzina nia kidajuć u niadoli adnapartyjca Anatola Rabkaŭca, aštrafavanaha za ŭdzieł u śviatkavańni Dnia Voli na 400 tys. rubloŭ. Jany vyrašyli «skinucca» j dapamahčy baćku traich dziaciej raźličycca ź dziaržavaj.

Hulcy nacyjanalnych zbornych pa futbole i chakiei pieradali 6200 dalaraŭ na aperacyju Daniłu Sałaŭjovu z Kazłovičaŭ (Słuččyna). U paŭtarahadovaha chłopčyka pryrodžany parok serca.

80-hadovy mastak Leanid Ščamialoŭ zajmieŭ ułasnuju halereju ŭ Miensku na praspekcie Rakasoŭskaha. Ułady horadu pieradali jamu ŭ biesterminovuju arendu pamiaškańnie byłoha biljardnaha klubu, a jon padaravaŭ Miensku 60 karcinaŭ. «Horadu, a nie čynoŭnikam», — padkreśliŭ jon na adkryćci. Pryčym nivodnaj — z nacyjanalna-vyzvolnaha, bieł-čyrvona-biełaha cykłu.

Endru Džeksan, były prezydent ZŠA, źmienić koler. Novy 20-dalaravik ź jahonaj vyjavaj, aproč zvykłaha zialenaha, zajmieje jašče persikavaje dy błakitnaje adcieńni. Tym časam dalar upaŭ užo da 1,15 za eŭra.

13-hadovaja S. z Barysava adšukałasia. Jaje viarnuli z Razani, z seksualnaha rabstva. Letaś jaje zaverbavała i pradała ŭ Maskvu pierakupnikam 20-hadovaja barysaŭčanka M.

Francyska van Almsik, niamieckaja «płyvučaja seks-bomba», nia voźmie ŭdziełu ŭ barselonskim čempijanacie śvietu pa vodnych vidach sportu. Aficyjnaja pryčyna — traŭma plača. Nieaficyjnaja — kachanak-handbalist, dziela jakoha, platkaryć presa, Francyska navat stała płavać horaj.

• 0
• 0
• 0
• 0
• 0
• 0
• 0
• 0