U najbližejšy čas u Biełarusi płanujecca pravieści ŭstanoŭčuju kanferencyju Sajuzu levych partyj.
Nahadajem, što 22 listapada 2006 hoda Partyja kamunistaŭ Biełaruskaja, Biełaruskaja sacyjał‑demakratyčnaja partyja (Hramada) i Biełaruskaja partyja žančyn «Nadzieja» padpisali ŭ Minsku dekłaracyju ab stvareńni Sajuza levych partyj. 17 śniežnia 2006 hoda ŭstanoŭčaja kanfierencyja sajuza prajšła ŭ Čarnihavie (Ukraina), pakolki ŭ Minsku ŭ arhanizataraŭ uźnikli prablemy z arendaj pamiaškańnia.
U lutym Ministerstva justycyi admoviła SŁP u rehistracyi, spasyłajučysia na toje, što pavodle biełaruskaha zakanadaŭstva palityčnyja partyi nie majuć prava arhanizoŭvać i pravodzić mierapryjemstvy na terytoryi inšych dziaržaŭ. Sproba SŁP asprečyć hetaje rašeńnie była biespaśpiachovaj: 13 krasavika Viarchoŭny sud admoviŭ pradstaŭnikam sajuza ŭ isku da Miniusta.
Takim čynam, adznačyŭ A.Laŭkovič, ustanoŭčuju kanfierencyju SŁP «nieabchodna pradublavać u Biełarusi». Płanujecca, što ŭ joj voźmuć udzieł tyja ž subjekty, što i ŭ Čarnihavie.
A.Laŭkovič taksama paviedamiŭ, što na pasiadžeńni Centralnaha kamiteta BSDP (Hramada) 23 červienia była pryniata pastanova ab Sajuzie levych partyj. U joj adznačajecca, što sajuz pavinien dziejničać jak składnik abjadnanych demakratyčnych sił, kaardynavać dziejańni levych u roznych śfierach hramadskaha i dziaržaŭnaha žyćcia. Pry hetym partyi, što ŭvachodziać u sajuz, pavinny zachoŭvać samastojnaść u adpaviednaści sa svaimi statutami.
-
«Basiejny zakrytyja, na plažy rekamiendujuć nie chadzić». Što kažuć turysty ŭ AAE i Katary
-
Statkievič zaklikaŭ jeŭrapiejcaŭ stvaryć i ŭzbroić Biełaruski dobraachvotnicki korpus
-
«Usiu spravu žyćcia — usio razburyli». Što viadoma pra spravu vydańnia «Inteks-Pres», redaktary jakoha atrymali vialikija turemnyja terminy
Ciapier čytajuć
«Vy pryjšli siudy łochami, a staniecie drapiežnikami». Jak pracujuć minskija koł-centry skamieraŭ3
Kamientary