27 listapada «maładafrontaviec» Artur Finkievič u dzień zakančeńnia terminu aryštu byŭ znoŭ asudžany na 15 sutak.
Z specpryjomniku chłopca pryvieźli ŭ sud Savieckaha rajonu, dzie Rusłan Kazadajeŭ pryznaŭ A.Finkieviča vinavatym u parušeńni art.167 č.2 AK (udzieł u niesankcyjanavanych hramadzkich akcyjach). Upieršyniu sud dvojčy pryznačyŭ maksymalnaje pakarańnie za adny j tyja dziejańni — raspaŭsiud ulotak suprać treciaha terminu. Siabry niezarehistravanych «Maładoha frontu» i BPS pastanavili štoviečar a 18-j prychodzić z zapalenymi śviečkami da Akreścina, dzie ciapier znachodziacca «maładafrontaŭcy» A.Finkievič, Źmicier Daškievič i siabra BPS Vasil Parfiankoŭ. Akcyja budzie tryvać, pakul ich nia vyzvalać. 27 listapada Valerja Ščukina aštrafavali na 10 bazavych adzinak za «drobnaje chulihanstva i niepadparadkavańnie zakonnym patrabavańniam supracoŭnika milicyi» (art.156 i 166 KK). Napiaredadni Ščukin biezvynikova sprabavaŭ prajści ŭ Połacki harvykankam na pryjom da ministra ŭnutranych spravaŭ Navumava. 29 listapada na Kamaroŭskim rynku padčas razdačy ŭlotak byli zatrymanyja Ludmiła Hraznova, Andruś Kozieł, Aleh Tarasievič, Ihar Arłoŭ, Palina Hulidava, Mikałaj Cimašenka, Ivan Čaratun, Alaksiej Niščyk. Jany pravodzili akcyju «Hramadzkaje hałasavańnie «Treci termin» suprać referendumu. Na Ł.Hraznovu, A.Kozieła, A.Tarasieviča, I.Arłova byli składzienyja pratakoły za «raspaŭsiud niezarehistravanaj drukavanaj pradukcyi». Aktyvist niezarehistravanaj moładzievaj arhanizacyi «Zubr» niepaŭnaletni Anton S. 30 listapada byŭ zatrymany ludźmi ŭ cyvilnym u Baranavičach padčas rasklejki ŭlotak ź lozunham «Jon pavinien syści»: chłopca paŭtary hadziny dapytvali ŭ apornym punkcie milicyi, paśla čaho adpuścili biez składańnia pratakołu. Lider Bieraściejskaj abłasnoj arhanizacyi BSDP (NH) Anatol Laŭkovič nie prajšoŭ pieraatestacyi ŭ Bieraściejskim dziaržaŭnym universytecie i moža zhubić pracu.
AŠ
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary