Roŭna dva hady tamu, na chvali papularnaści albomu «Ja naradziŭsia tut», inicyjatar supolnych prajektaŭ Aleś Suša prapanavaŭ zrabić składanku na vieršy Ŭładzimiera Karatkieviča.
I, zdajecca, pajšła sprava: Volski, Pamidoraŭ, Vajciuškievič, Korań zrabili svaje pieśni. Aleś Puškin uziaŭsia azdobić albom. Presa na ŭsie zastaŭki anansavała vychad «Personal Karatkievič» z pracoŭnaj nazvaj «Skrypka dryhvy». Ale albomu dahetul niama. Čamu — raźbiraŭsia karespandent «NN».
Kožny ŭdzielnik prajektu nazyvaje svaje pryčyny. Aleś Suša niavychad «Skrypki» patłumačyŭ tak: «Pasłuchaŭšy dema-varyjanty, ja zrazumieŭ, što heta budzie krok nazad u paraŭnańni ź «Ja naradziŭsia tut». Alaksandar Pamidoraŭ zvažaje na psychalahičnuju stomlenaść udzielnikaŭ prajektu: «Varjackaja siamiejka «Narodnaha albomu» była try hady razam — sumiesnyja kancerty, hastroli, albomy… Heta adbiłasia na psychalahičnym stanie muzykaŭ». Hetaksama ličyć Lavon Volski. Alaksandar Kulinkovič adnoj z hałoŭnych nazyvaje pryčynu techničnuju: «My ŭsie pisalisia na studyi BT, dzie treba hrać užyvuju. A «Nejra Dziubiel» pryzvyčaiŭsia rabić zapis na analahavaj studyi, u jakoj možna było pisacca kavałkami, niešta mianiać miescami i h.d.». Na techničnyja prablemy narakajuć i Pamidoraŭ, i hukarežyser zapisu Siarhiej Łabandzijeŭski.
Poŭny varyjant artykułu hladzicie ŭ hazecie "Naša Niva".
Siarhiej Budkin
Kamientary