Karespandentka «NN» pabyła ŭ skury biespracoŭnaje
«Užo ŭziali»
Paniadziełak. Śviežyja śpisy vakansijaŭ tolki źjavilisia na došcy abjavaŭ. Vakoł natoŭp, nia ŭbicca. Aznajomiŭšysia, pierakonvaješsia — mała što ź minułaha tydnia źmianiłasia.
Vartaŭnik (dahladčyk žyvioły) — zarobak 77000 rub.
Pryharadnyja bilety padaraželi, hrošy ŭ kałhasie płaciać redka. Navat na prajezd da toj fermy naŭrad ci zarobiš.
Inžyner, dośvied pracy, viedańnie zamiežnych movaŭ, PEVM. Zarobak — 79000 rub.
Śmiech i hora! Choć na tureckaha sułtana vučysia! Chočacie atrymać źviestki pra samyja nieperspektyŭnyja pradpryjemstvy i pasady — uhledźciesia ŭ śpisy. Kali abviestka zavisaje tut miesiacami ci źjaŭlajecca niekalki razoŭ na praciahu hodu, viedaj — albo mały i nierehularny zarobak, albo addalenaść ad horadu, ciažkija ŭmovy pracy. Najčaściej heta ŭsio spałučajecca razam. Viaskovyja FAPy, DK, kramy, kałhasy i saŭhasy rajonu, źvieraferma, fabryka mastackich vyrabaŭ. Apošnim časam tut ža, u budynku RCZ, sprabujuć verbavać biespracoŭnych pradstaŭniki sietkavaha markietynhu. Ale vialikaha pośpiechu nia majuć navat siarod takoj aŭdytoryi.
Pabačyŭšy vakansiju z zarobkam, vyšejšym za 120000 rub., dy jašče ŭ sfery kultury abo adukacyi, asabliva nia radujciesia. Chutčej za ŭsio, patelefanavaŭšy, pačujecie: «Užo ŭziali».
I heta ŭsiaho praz hadzinu-dźvie paśla taho, jak abnavili infarmacyju. Kožnaja ŭstanova musić padavać źviestki ŭ RCZ. Inakš jurysty centru mohuć aštrafavać kiraŭnictva. Voś i padajuć, a na pracu biaruć usio roŭna svaich znajomych. Šaniec choć niejak uładkavacca z dapamohaju słužby zaniataści majuć chiba mužčyny z budaŭničymi specyjalnaściami.
Poŭny varyjant artykułu hladzicie ŭ hazecie "Naša Niva".
Taciana Barysik, Mahiloŭ
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary