Adzin miljon biełarusaŭ štodnia vypraŭlajecca ŭ alkaholnuju emihracyju.
Adpravili mianie na kursy pavyšeńnia kvalifikacyi. U adpaviednuju ŭstanovu musiŭ jeździć trošku paźniej, čym zvyčajna na pracu. I voś u hetaje «trošku paźniej» zrabiŭ ja dziŭnaje dla siabie adkryćcio.
Kali balšynia haradžan užo kolki hadzin parycca na svaich pracoŭnych miescach, inšaja ich častka tolki ŭstaje ź ležakoŭ, kab vypravicca ŭ kramu pa «šmurdziak». Kali ŭ pieršy dzień kursaŭ daviałosia pabačyć hetyja brunatyja apuchłyja zdani, hetych žyvych mierćviakoŭ, što šamacieli da vina-harełačnych pryłaŭkaŭ, padumałasia — vypadkovaść. Adnak i na druhi, i na treci, i na dziasiaty dzień poznaranišniaja karcina nie źmianiałasia. Takaja sabie abydzionščyna. Pradavački ž, jak vyhladaje, daŭno pryzvyčailisia da svaich pastajannych klijentaŭ i, kali ŭ humory, razumiejuć tych z paŭsłova.
«Maleńkuju», — havoryć da kramnicy tryccacipiacihadovy stareča, i jana, ničoha nie ŭdakładniajučy, vyciahvaje z butelkavaj batarei paŭlitroŭku «pładova-jahadnaha». Nazva napoju nie ihraje anijakaje roli. Hałoŭnaje, kab na ŭsie hetyja «Słavianskija vermuty» i «Viasiołyja pierazvony» chapiła drabiazy. U siarednim siońnia plašačka takoha «niabiesnaha trunku» kaštuje stolki ž, jak dva litry samaha tannaha małaka.
Mianie nie pierastajuć ździŭlać t.zv. «kafeteryi» pry ŭniversamach, dzie aproč kavy, harbaty j piva z kvasam na raźliŭ pradajuć viniška j vodačku. Ździŭleńnie raście chutčej nia stolki z fenomenu isnavańnia takich universalnych punktaŭ, kolki z naziranych tamaka persanažaŭ. Aproč realna apuchłaj ad złoŭžyvańnia alkaholem publiki davodzicca bačyć dobrych dziadziečak, padobnych da instytuckich vykładčykaŭ. Hetki siaredniearytmetyčny Elektron Ivanavič zazvyčaj vielmi cichim hołasam zamaŭlaje sabie plastykavuju čaračku harełki i buterbrod ź sieladcom. Pryčym buterbrod čaściakom biarecca ad ujaŭnaha soramu, jak by ŭ nahruzku, bo nasamreč harełka spažyvajecca biez zakuski. Traplajucca j niesaramlivyja. Jany mohuć uziać u davažak «zapivok» (kilišak minerałki), a mohuć abyścisia i vyklučna ahniavoj vadoj. Dziela čaho ž im pjecca pa-za zastollem, pa-za ŭračystaściu?
Poŭny varyjant artykułu čytajcie ŭ papiarovaj i pdf-versii "Našaj Nivy"
Siarhiej Bałachonaŭ Homiel
Ciapier čytajuć
Koŭł Łukašenku: Tabie treba być bolš aściarožnym, za stałom kiepskich pacanoŭ zastaŭsia adzin ty10
Kamientary