Stalica vyjaviłasia niepadrychtavanaj da trapičnych daždžoŭ.
U mnohich damach daviałosia adpampoŭ-vać vadu z sutareńniaŭ. Stychija zali-ła lochi handlovaha domu «Na Niamizie» i prarvała strachu ŭ HUMie. Doždž rabiŭ nieprajeznymi vulicy kštałtu Kirava, Niamihi dy praspekty Dziaržynskaha j Mašerava, dzie jość hłybokija niziny. Ściokavyja luki nie spraŭlalisia z naporam, utvarajučy vieličeznyja stavy.
Na pačatku praspektu Dziaržynskaha ŭtvaryłasia «voziera» hłybinioj 2 m: ściokavyja luki nahłucha zabiła sumieś piasku, hliny j siena, jakoje sochła paabapał darohi. Lehkaviki i maršrutki (8 mašynaŭ), jakija trapili ŭ vadziany pałon, źnikli pad vadoj. U aŭtobusie 23-ha maršrutu, jaki apynuŭsia ŭ impravizavanym vadajomie, jak raspaviadali pasažyry, naporam vady prosta vybiła luki ŭ padłozie. Takimi ž fantanami vady strumienili luki haradzkoj kanalizacyi. Jašče adzin vadajom z 18 «vadapłaŭnymi» aŭtamabilami ŭtvaryŭsia na byłym Kamaroŭskim bałocie pamiž vulicami Kujbyšava i Kulman. Vidavočcy zalevy paraŭnali jaje z halivudzkim filmam-katastrofaj «Paślazaŭtra», jakaja akurat ciapier idzie ŭ staličnych kinateatrach: pierad nakryćciom Ńju-Jorku chvalaj byŭ rychtyk taki samy patop.
Poŭny varyjant artykułu čytajcie ŭ papiarovaj i pdf-versii "Našaj Nivy"
Arkadź Šanski
Kamientary