Jak biełaruskaja dyplamatyja pracuje na Ŭschodzie
27—29 lipienia našu krainu z aficyjnym vizytam naviedaŭ prezydent Sudanu Amar Chasan Achmad al-Bašyr. Čamu biełarusy, jakija pieražyli Chatyń i Kurapaty, sustrakajuć chlebam-sollu kiraŭnika krainy, jaki palić chatyni ŭ svajoj krainie?
«Kraina biaźmiežnych mahčymaściaŭ» (BiełTA) ździŭlaje, siarod inšaha, zdolnaściu ŭradu dzialić svaich hramadzianaŭ na hatunki i vyniščać niepažadanuju katehoryju.
U časie bolš čym dvaccacihadovaj vajny z karennymi narodami poŭdnia krainy zahinuła kala dvuch miljonaŭ čałaviek. 2000 h. byŭ adznačany praviadzieńniem faktyčnaha hienacydu ŭ Nubii. Sioleta Sudan znoŭ nie sychodzić ź pieršych staronak druku z pryčyny trahiedyi ŭ Darfury — zachodnich rajonach kraju. Praŭradavaja milicyja vyniščaje tamaka sialanaŭ, jakim nie paščaściła naradzicca z naležnym koleram skury dy razmaŭlać na «narmalnaj» arabskaj movie. Zachodniaja presa nazyvaje plany al-Bašyra ŭ stvareńni «arabskaha» Sudanu rasisckimi.
U takoj sytuacyi chartumskamu lideru pryjšłosia daspadoby mienskaje zaprašeńnie: choć kudy, aby ŭ Eŭropu. A A.Łukašenka nie škadavaŭ słovaŭ pra kvitniejučuju pryšłaść Sudanu.
Biełaruskija dyplamaty apraŭdvajuć afrykanskuju palityku Biełarusi starym niamieckim słovam «Realpolitik». Maŭlaŭ, nia tolki my siabrujem z Sudanam, ale j Štaty majuć za chaŭruśnikaŭ sumnieŭnyja režymy kštałtu Saudaŭskaj Arabii — za peŭnyja dla siabie vyhody.
Što ž karysnaha my možam atrymać ad sapraŭdy dalokaj krainy, dzie pačynajučy z 1956 h. amal niaspynna idzie vajna? «BDH» nazvała «ekstravahantnaj» zajavu biełaruskaha j sudanskaha bakoŭ ab mahčymaściach supolnaha asvajeńnia naftahazavych radoviščaŭ. Kalehi nia vierać u našy technalahičnyja, kadravyja i resursavyja mažlivaści. Mnie nia chočacca tak skieptyčna stavicca da našaha patencyjału. Ale jaki pavinien być pieršy krok u pracesie asvajeńnia tych radoviščaŭ, raźmieščanych u rajonach pražyvańnia miaciežnaha nasielnictva? Pacyfikacyja, abo «začystka» ich. Jaki ŭvohule sens vieści pieramovy pra radoviščy, jakija kantralujucca nia ŭradam, a jaho ŭzbrojenymi apanentami?
Poŭnaściu hety artykuł možna pračytać u papiarovaj i pdf-versii "Našaj Nivy"
Siarhiej Rak
Natalla Kalehava raskazała pra dapamohu biełaruskim uciekačam, svaju siamju, staŭleńnie da Cichanoŭskaj. I patłumačyła, chto takija «babry» i «zajcy»34
Kamientary