Hałoŭnaje reziume pieršaha tydnia alimpijady: kali arabskija terarysty nia vystaviać svajoj kamandy na nastupnych spabornictvach u Pekinie, alimpijski ruch pieratvorycca ŭ zvyčajny kič.
Ateny-2004 — pieršaja Alimpijada paśla padziej 11 vieraśnia, jakija kančatkova pachavali dvuchpolusnyja raskłady chałodnaj vajny. Sport, što byŭ lusterkam palityčnaha supraćstajańnia dvuch blokaŭ, taksama transfarmavaŭsia. Adziny patryjatyčny bzik, na jaki akazaŭsia zdolny kaliści mahutny Kreml, — zaklikać svaich spartsmenaŭ nie žavać humki padčas tranślacyi remejku «Sajuz nierušymy».
Front hlabalnaj baraćby prachodzić pamiž Zachadam i isłamskim teraryzmam. Adnak ben Ładen svajoj kamandy ŭ Ateny nie prysłaŭ i alimpijskija spabornictvy, pazbaviŭšysia pikantnaha palityčnaha prysmaku, pieratvarylisia ŭ niejkuju papsu.
Francuski «Figaro» ź latentnaj nastalhijaj nahadvaje, jakija temy davodziłasia ahladać jaho žurnalistam padčas alimpijad minułaha stahodździa: mižnarodnyja bajkoty (Manreal-1976, Maskva-1980, Łos-Andžełas-1984), terarysty (Miunchien-1972, Atłanta-1996), palityčnyja masakry (Berlin-1936 i Meksyka-1970).
Siońnia kamentatary Alimpijady pakutujuć fihnioj. Ich artykuły ŭ štodzionnych vypuskach adpravili b u rubryku «Heta cikava viedać».
Daminantnyja temy — dopinh i navaročanaja systema biaśpieki (na achovu 10 500 spartsmenaŭ kinuta 70 000 hreckich miantoŭ, nia ličačy ahientaŭ specsłužbaŭ i rakietnaj systemy «Patryjot»). Navat žoŭtym žurnaluham cikaviej. Jany smakujuć eratyzacyju sportu. Siarod spartsmenaŭ modna rabić svaje eratyčnyja zdymki. Na kaverach hlamurnych časopisaŭ u pozie niu ŭžo zaśviaciłasia himnastka Chadorkina, lohkaatletki Amanda Bird i Meryjen Džordž, uvieś skład niamieckaj sbornaj pa valejbole i navat ich suajčyńnica mołatakidalnica Siuzana Kajl. Ujaŭlaju!
Cynična, ale słušna aŭtar «Figaro» nahadvaje, što lehiendarnyja antyčnyja alimpijady byli nia šabasam amataraŭ sportu i pacyfistaŭ, a virtualnaj razborkaj pamiž Atenami i Spartaj.
Poŭnaściu hety artykuł možna pračytać u papiarovaj i pdf-versii "Našaj Nivy"
Lolik Uškin
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary