Ja na typovym vybarčym učastku ŭ Miensku, va Ŭruččy.
Mianie sustrakajuć biez asablivaj radaści, ale vietliva. «Naziralniku treba było rehistravacca ŭčora, a siońnia vy nia možacie być naziralnikam». — «Ja davieranaja asoba kandydata ŭ deputaty». Narešcie ŭładkoŭvajusia. Pobač stary ad Biełaruskaj patryjatyčnaj partyi.
Hałasavańnie pačynajecca. Pieršy ž čałaviek źviartajecca da mianie z pytańniem: «Dzie tut biuleteń papałam razarvać, jak Jarmošyna skazała?» Ad patoku ahitacyi na telekanałach u ludziej pamiašałasia ŭ hałavie.
«Kolki ŭsiaho čałaviek na vybarčym učastku, zhodna sa śpisami?» — pytajusia ja ŭ staršyni kamisii. «Daviedajeciesia paśla hałasavańnia. Ad 1500 da 2000», — uśmichajecca jon.
Babulka pytajecca, dzie tut pastavić «za Łukašenku» i ŭhołas abviaščaje pra svoj vybar. Ale heta adziny vypadak za ŭvieś čas. Havarkija prychilniki niešmatlikija, ale nadzvyčaj upartyja. U akruzie balatujecca Aleś Michalevič z partyi BNF. Nakonadni jaho vykraślili. I prykładna kožny piaty pytajecca: «A dzie Michalevič?» — «Pazbavili rehistracyi». Staraja intelihientnaha vyhladu nie vytrymlivaje: «Voś svołačy!»
Pradstaŭnik Patryjatyčnaj partyi dakaraje mnie i Irlandyi za dvajnyja standarty: na referendumie tamtejšyja žychary hałasujuć dva dni. Taksama prychodzicca vysłuchać abureńnie archaičnaj vybarčaj systemaj Złučanych Štataŭ.
Poŭnaściu hety artykuł možna pračytać u papiarovaj i pdf-versii "Našaj Nivy"
Andrej Rasinski
Ciapier čytajuć
Vital z-pad Vilejki, jaki padpaliŭ chatu z ułasnymi dziećmi, zavierbavaŭsia ŭ rasijskaje vojska. I prapaŭ na pieršym ža bajavym zadańni2
Kamientary