Spartoŭcy, jak i majstry kultury, nie zastalisia ŭ baku ad ukrainskich padziej.
U padtrymku Janukoviča vystupiła «załataja rybka» Afinaŭ alimpijskaja čempijonka Jana Kłačkova. Braty Klički adrazu vykazalisia ŭ padtrymku Juščanki. Pryčym Uładzimier admysłova prylacieŭ ź Ńju-Jorku ŭ Kijeŭ — kab paŭdzielničać u mitynhu «aranžavych».
Viktar Fiadocienka, baćka ŭładalnika Kubku Stenli-2004 forvarda «Tampy» Rusłana Fiadocienki, zajaviŭ žurnalistam, što jahony syn taksama nieŭzabavie pryjedzie ŭ Kijeŭ, kab padtrymać kandydata ad apazycyi.
26 listapada 25 spartovych žurnalistaŭ napisali adkryty list, pratestujučy suprać falsyfikacyi vynikaŭ vybaraŭ: «My hłyboka zakłapočany sytuacyjaj u krainie i padtrymlivajem mirnuju akcyju na Majdanie Niezaležnaści ŭ Kijevie i va ŭsich haradach i vioskach Ukrainy. Heta naša hramadzianskaja pazycyja.
My zaklikajem kiraŭnikoŭ ŚMI nie vykarystoŭvać spartovuju žurnalistyku jak srodak palityčnaj ahitacyi. My admaŭlajemsia vykarystoŭvać eter spartovych prahram i tranślacyj dla palityčnych zajaŭ, infarmacyi i kamentaroŭ, što majuć palityčny padtekst. Spartovaja žurnalistyka — nie placdarm dla palityčnych batalij».
Futbalisty padzialilisia. Ciaham 14 hadoŭ sprečku za pieršaje miesca ŭ čempijanacie viaduć nieprymirymyja supierniki — kijeŭskaje «Dynama» i daniecki «Šachcior». Ale pierad vybarami jany byli razam — i prezydent kijeŭskaha «Dynama» Ihar Surkis, i prezydent «Šachciora» (Danieck) Rynat Achmietaŭ, jak i staršynia Ŭkrainskaje federacyi futbołu Ryhor Surkis, uvachodziać u kamandu Janukoviča.
Poŭny varyjant artykułu hladzicie ŭ hazecie "Naša Niva".
Aleh Rajaviec
Kamientary