«My pradprymiem žastačajšyja miery ŭ adnosinach pradpryjemstvaŭ i kalektyvaŭ, jakija pracujuć na terytoryi Biełarusi z boku Złučanych Štataŭ Ameryki», — skazaŭ A.Łukašenka.
Biełaruś nie baicca ekanamičnych sankcyj z boku ZŠA i ŭ vypadku ich uviadzieńnia hatovaja zrabić zachady ŭ adkaz, zajaviŭ u paniadziełak Alaksandar Łukašenka, vystupajučy na schodzie z nahody Dnia vyzvaleńnia Biełarusi. «My pradprymiem žastačajšyja miery ŭ adnosinach pradpryjemstvaŭ i kalektyvaŭ, jakija pracujuć na terytoryi Biełarusi z boku Złučanych Štataŭ Ameryki», — skazaŭ A.Łukašenka.
Niajasna, da kaho adnosicca hetaja pahroza. Amerykanskich «pradpryjemstvaŭ» u Biełarusi nia tak i šmat. Da takich mohuć być adniesienyja «Koka‑Koła», «Makdonaldz», ci jašče«Detrojt brevinh», jaki vałodaje Babrujskim brovaram.
Paśla masavaha zakryćcia pradstaŭnictvaŭ amerykanskich fundacyj, niamnoha zastałosia i «kalektyvaŭ». Da hetaj katehoryi možna adnieści chiba što biuro Radyjo «Svaboda» i, z naciažkaj, dyplamatyčnaje pradstaŭnictva.
Na ZŠA prychodzicca zusim małaja dola zamiežnaha handlu Biełarusi, tamu ekanamičnyja sankcyi z boku Vašynhtona buduć mieć nia stolki finansavaje, kolki palityčnaje značeńnie.
Chalezin: Nieŭźlin finansuje Chartyju'97 jašče z prezidenckich vybaraŭ 2010 hoda28
Kamientary