«Мы прадпрымем жастачайшыя меры ў адносінах прадпрыемстваў і калектываў, якія працуюць на тэрыторыі Беларусі з боку Злучаных Штатаў Амэрыкі», — сказаў А.Лукашэнка.
Беларусь не баіцца эканамічных санкцый з боку ЗША і ў выпадку іх увядзеньня гатовая зрабіць захады ў адказ, заявіў у панядзелак Аляксандар Лукашэнка, выступаючы на сходзе з нагоды Дня вызваленьня Беларусі. «Мы прадпрымем жастачайшыя меры ў адносінах прадпрыемстваў і калектываў, якія працуюць на тэрыторыі Беларусі з боку Злучаных Штатаў Амэрыкі», — сказаў А.Лукашэнка.
Няясна, да каго адносіцца гэтая пагроза. Амэрыканскіх «прадпрыемстваў» у Беларусі ня так і шмат. Да такіх могуць быць аднесеныя «Кока‑Кола», «Макдональдз», ці яшчэ«Дэтройт брэвінг», які валодае Бабруйскім броварам.
Пасьля масавага закрыцьця прадстаўніцтваў амэрыканскіх фундацый, нямнога засталося і «калектываў». Да гэтай катэгорыі можна аднесьці хіба што бюро Радыё «Свабода» і, з нацяжкай, дыпляматычнае прадстаўніцтва.
На ЗША прыходзіцца зусім малая доля замежнага гандлю Беларусі, таму эканамічныя санкцыі з боку Вашынгтона будуць мець ня столькі фінансавае, колькі палітычнае значэньне.
Цяпер чытаюць
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння77
Каментары