Siarod znakavych vydańniaŭ peryjadu Adradžeńnia 1990ch byŭ ilustravany časopis «Biełaruskaja minuŭščyna». Pieršy numar źjaviŭsia ŭviesnu 1993 hodu. Apošni — u 1998 hodzie. Historyju časopisu pryhadvaje Ŭsievaład Ścieburaka.
Moj baćka-lekar nabyvaŭ «BM» u šapiku la vialejskaje carkvy i prynosiŭ dachaty, a potym, začyniŭšysia ŭ zali, pačynaŭ čytać. Tata da historyi staviŭsia surjozna, i razam sa mnoj dy małodšym bratam vyvučaŭ jaje pa bieł-čyrvona-biełych padručnikach. Dniami jon apantana rašaŭ viktaryny i kryžavanki ŭ čarhovym numary. Razam z tatam takoj ža spravaj zajmaŭsia jahony siabra pa zachapleńni historyjaj, taksama lekar. Niejak jon staŭ pieramožcam viktaryny, i ja adčuvaŭ honar, što viedaju takoha dziadźku.
Spačatku vokładku časopisu azdablała «Pahonia», paśla — Navahradzki zamak. Pry kancy 1994 hodu vydańnie vychodziła až 10-tysiačnym nakładam. Biełarusy prahnuli novych histaryčnych viedaŭ.
Zasnavalnikami časopisu byli Kamitet pa archivach i spravavodztvie, Biełaruski fond słavianskaha piśmienstva i słavianskich kultur, Instytut historyi AN RB, Rada Zhurtavańnia biełarusaŭ śvietu «Baćkaŭščyna». Pieršym redaktaram byŭ Anatol Andruchovič, z 1994 hodu — historyk, redaktar hazety «Zhoda» Leanid Łojka.
Poŭny varyjant čytajcie ŭ papiarovaj i pdf-versii hazety "Naša Niva"
Prapahandysty zapeŭnivajuć, što 196 palitviaźniaŭ užo na svabodzie9
Kamientary