U śpisie kandydataŭ na prezydenctva — spres partyjcy. Statkievič, Kołas, Vajtovič nie zarehistravalisia pavodle pracedury, vyznačanaj «dziasiatkaj».
28 sakavika skončyŭsia termin rehistracyi pretendentaŭ na ŭdzieł u pracesie vybrańnia adzinaha kandydata ad demakratyčnych siłaŭ. (Uch, adrazu j nia vymaviš!) Svaje zajaŭki na ŭdzieł u pieradvybarnaj honcy padali tolki piać čałaviek: staršyni PKB Siarhiej Kalakin, AHP Anatol Labiedźka, BSDH Stanisłaŭ Šuškievič, vyłučeniec ad «zialonych» i PBNF Alaksandar Milinkievič dy mała kamu viadomy ŭpyrchlik Valer Hrycuk, jaki niekali pracavaŭ z fondam Lava Sapiehi. Lohka zaŭvažyć: bolšaść zarehistravanych — ludzi «Piaciorki+». Astatnija zastalisia za bortam, ale pa čyjoj voli?
Niasłušnymi vyjavilisia źviestki pra toje, što Mikoła Statkievič taksama trapiŭ u lik zarehistravanych. «Mianie ŭ hetym śpisie niama», — kaža lider Eŭrapiejskaj kaalicyi «Svabodnaja Biełaruś». «Kali nia ŭličvać małaviadomych ekzatyčnych asob, faktyčna prahučali tolki proźviščy čatyroch kandydataŭ ad «Piaciorki-plus». A pavinna było b być čałaviek 10—12». Na dumku Statkieviča, u pracesie vyłučeńnia adzinaha kandydata jość dźvie chiby. Pa-pieršaje, jon nia ŭličvaje mahčymych dziejańniaŭ ułady suprać patencyjnaha kandydata. «Rehistravać kandydataŭ farmalna — značyć davać navodku ŭładzie», — miarkuje Statkievič. Druhaja chiba — toje, što hety paradak nie stvaraje dastatkovaj matyvacyi dla ŭdziełu ŭ pracedury vyłučeńnia patencyjnych biespartyjnych kandydataŭ. Ale katastrofy ŭ tym, što adbyłosia, Mikoła Statkievič nia bačyć: «Kali niedachopy jość — ich treba likvidavać. Pastajanna dziejučaja narada demakratyčnych siłaŭ pavinna heta zrabić».
Poŭny varyjant čytajcie ŭ papiarovaj i pdf-versii hazety "Naša Niva"
Ciapier čytajuć
Žančyny ŭ achovie i braniavany kartež. Jak Ukraina arhanizavała biaśpieku vizitu Cichanoŭskaj u Kijeŭ10
Kamientary