Biełaruś apynułasia na vastryi hieapalityčnaje baraćby. Ab hetym śviedčać padziei apošnich tydniaŭ u Kamisii AAN pa pravach čałavieka ŭ Ženevie. Specdakład pa Biełarusi jość. A ci buduć specdakładčyki AAN?
U centry ŭvahi Kamisii AAN pa pravach čałavieka apynułasia rezalucyja pra biełaruskuju sytuacyju za 15 krasavika minułaha hodu. Sioleta da 20 krasavika kamisija pavinna viarnucca da razhladu hetaha pytańnia pa vynikach specdakładu Adryjana Sieviaryna ab pravach čałavieka ŭ Biełarusi. Nia vyklučana, što rezalucyja budzie źniata z abmierkavańnia, a sam instytut specdakładčykaŭ skasavany.
Sam pa sabie Sieviarynaŭ dakład nia vyklikaŭ sensacyi ni ŭ mižnarodnaj supolnaści, ni, tym bolš, u samoj Biełarusi. Fakty parušeńnia pravoŭ čałavieka ŭ krainie abnarodavalisia nieadnojčy, paharšeńnie sytuacyi apošnim časam niaźmienna adznačajecca samymi roznymi mižnarodnymi arhanizacyjami. Nia staŭ niečakanym i adkaz aficyjnaha Miensku na krytyku: kiraŭnik biełaruskaj delehacyi Siarhiej Alejnik patrabavaŭ ad Sieviaryna prabačeńniaŭ pierad biełaruskim narodam za abrazu. Specdakładčyk, u svaju čarhu, abvinavaciŭ Miensk u kryvadušnaści.
Spraktykavany dyplamat A.Sieviaryn apynuŭsia pad skryžavanym ahniom — jaho atakavali nia tolki biełaruskija čynoŭniki, ale j Iryna Krasoŭskaja, na dumku jakoj dakład vyznačaŭsia praźmiernaj miakkaściu. Sytuacyja, adnak, vyjaviłasia značna vastrejšaju, čym ujaŭlałasia biełaruskim pravaabaroncam. Značnaja častka krain poruč ź Biełaruśsiu damahajecca zamacavańnia takoha mechanizmu pryniaćcia rašeńniaŭ, jaki b dazvoliŭ uvohule zdymać z razhladu pytańni pa pravach čałavieka ŭ kankretnych krainach i, jak vynik, likvidavać u budučyni sam instytut specdakładčykaŭ. Rasiei, naprykład, užo ŭdałosia naładzić padrychtoŭčuju pracu ŭ kuluarach takim čynam, što rezalucyja pa sytuacyi ŭ Čačenii, naprykład, na 61-j sesii kamisii AAN razhladacca nia budzie!
Poŭny varyjant artykułu čytajcie ŭ papiarovaj i pdf-versii hazety "Naša Niva"
Ženeva
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia15
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher44
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher4
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
Kamientary