Naviny ścisła

Šeść hod biez Karpienki

6 krasavika 1999 h. nia stała palityka Hienadzia Karpienki. Akaličnaści jaho śmierci da kanca nia vyśvietleny, udava j dzieci musili pierabracca ŭ Niamieččynu. Uviečary ŭ sieradu na Kastryčnickaj płoščy Miensku prajšoŭ «Łancuh nieabyjakavych ludziej» u pamiać pra Hienadzia Karpienku. Sabrałasia kala 50 čałaviek. Amon vyciaśniŭ ich da Niamihi. Zatrymali Irynu Bahdanovič, jakaja ŭziała adkaznaść za akcyju na siabie.

Praces

U sieradu ŭ sudzie Pieršamajskaha rajonu stalicy pačaŭsia praces nad biznesoŭcam Andrejem Klimavym. Palityka abvinavačvajuć u paklopie (č. 2 art. 367 KK) i źniavazie prezydenta (č. 1 art. 368 KK) za vykazvańni, što ŭtrymlivajucca ŭ jahonych knihach i ulotkach. Klimaŭ vinavatym siabie nia ličyć. Praces prachodzić za začynienymi dźviaryma.

Prapanovy Rady intelihiencyi

Pradstaŭniki biełaruskaj intelihiencyi prapanavali ŭsim patencyjnym pretendentam na rolu adzinaha kandydata pravieści supolnuju sustreču — kab dasiahnuć zhody ŭ hetym pracesie. Pavodle Rady biełaruskaj intelihiencyi, jakaja prapanavała ŭ prezydenty Ŭładzimiera Kołasa, asoba «adzinaha» maje być prymalnaja dla «ŭsich słajoŭ hramadztva». Piśmieńnik Hienadź Buraŭkin prapanavaŭ vyznačyć kandydata ŭ časie «ahulnanarodnaj akcyi» kštałtu zboru podpisaŭ za praviadzieńnie referendumu ab źmianieńni zakanadaŭstva ci zboru podpisaŭ za źmianšeńnie kamunalnych płaciažoŭ.

Nasielnictva bahacieje

Abjom pradadzienych nasielnictvu załatych miernych źlitkaŭ u pieršym kvartale skłaŭ 77,8 kh (4259 št.), što na 74,4% bolš za letašni peryjad. Najbolšym popytam karystajucca piacihramovyja źlitki, ich pradadziena čverć ad ahulnaj kolkaści. Potym pa papularnaści iduć prastakutniki masaj dziesiać i adzin hram.

Kožnaje treciaje — stratnaje

Pavodle Minstatu, u studzieni ŭ Biełarusi 3599 arhanizacyj (34%) byli stratnymi, a suma čystaha ŭbytku skłała 118,8 młrd rub., u tym liku ŭ pramys-łovaści — 49,4 młrd.

Vulica Jana Paŭła

Pradstaŭniki polskaje hramadzkaści Horadni pačali zbor podpisaŭ za nadańnie vulicy Kurčatava imia Jana Paŭła II. Za aŭtorak sabrana 500 podpisaŭ.

Pamior najstarejšy manarch Eŭropy

6 krasavika pamior kiraŭnik Manaka Reńje III. Lui Anry Maksen Bertran Hrymaldzi naradziŭsia ŭ 1923 h., a kniaski tron zaniaŭ 56 hadoŭ tamu, u 1949 h., uziaŭšy imia Reńje. U 1956 h. kniaź pabraŭsia šlubam z halivudzkaj aktrysaj Hrejs Kieli.

Iracki kampramis

Parlament Iraku ŭ sieradu abraŭ prezydentam krainy znanaha kurdzkaha palityka, asabistaha voraha eks-dyktatara Džalala Talabani. Vice-prezydentami stali šyit Adel Abduł Mahdzi i sunit Hazi al-Jaŭr. Vybary premjer-ministra — u čaćvier. Prezydent u Iraku — pasada reprezentacyjnaja. Vykanaŭčaja ŭłada naležyć premjeru.

AH, svaboda.org, afn.by

• 0
• 0
• 0
• 0
• 0
• 0
• 0
• 0