Нагадаем, раніцай 8 лістапада 38-гадовы мужчына нанёс мноства нажавых раненняў жонцы і сваім дзецям — 3-гадоваму Стэфану (хлопчык атрымаў найбольш цяжкія траўмы — дактары літаральна змагаліся за яго жыццё) і 8-гадовай Сафіі. Пасля гэтага ён здзейсніў ДТЗ на сталічнай вуліцы Гая, у якім загінула муж і жонка.
«Дзеці выпісаныя, з імі ўсё добра, у фізічным плане яны будуць здаровыя. З імі працуюць псіхолагі, — паведаміў AUTO.TUT.BY намеснік галоўнага ўрача 1 ГКБ па дзіцячай хірургіі Аляксандр Махлін.
Дзеянні падазраванага кваліфікаваныя па ч.1 арт.14 і ч.2 арт.139 (замах на забойства, здзейсненае пры абцяжваючых абставінах) і ч. 3 арт. 317 (парушэнне правілаў дарожнага руху, якія пацягнулі па неасцярожнасці смерць двух асоб) КК РБ
У дачыненні да мужчыны прызначаная стацыянарная псіхолага-псіхіятрычная экспертыза.
Як распавялі сваякі Вольгі і дзяцей, якія пацярпелі ад рук бацькі і мужа, у дом, дзе адбылася трагедыя, яны не вернуцца — «нават па рэчы». Пакуль сям'я будзе жыць у маці Вольгі. Маці дзяцей пакуль у бальніцы.
Каментары