Трагедыя ў Бельгіі: украінскі падлетак прызнаўся ў забойстве маці і 6-гадовай сястры
У бельгійскім горадзе Хаасродэ адбылася жахлівая трагедыя — 16-гадовы хлопец прызнаўся, што забіў сваю маці і 6-гадовую сястру, а затым падпаліў дом. Сям'я — з Украіны, апошнія тры гады жылі ў Бельгіі як уцекачы.
Як паведамляе выданне VRT са спасылкай на пракуратуру, сын забітай жанчыны прызнаўся, што нанёс маці і сястры нажавыя раненні і свядома зрабіў пажар у доме, каб схаваць сляды злачынства.
Дом, у якім здарыўся пажар 6 чэрвеня каля 9:30 раніцы, належыць мясцоваму святару, але быў арандаваны муніцыпалітэтам для пражывання ўкраінскіх бежанцаў.
Пажарныя знайшлі цела 46-гадовай жанчыны на месцы здарэння, а яе маленькую дачку спрабавалі рэанімаваць, але, на жаль, дзіця памерла.
Па словах экспертаў, пажар быў арганізаваны наўмысна. Першапачаткова хлопец знаходзіўся пад апекай, бо быў у школе ў момант пажару, але цяпер ён прызнаўся ў здзейсненым.
Матывы дзеянняў падлетка пакуль невядомыя.
Сям’я з Украіны пражывала ў Бельгіі тры гады. Бацька дзяцей — украінскі вайсковец.
Цяпер чытаюць
Што посцяць беларускія селебрыціс, якія апынуліся пад бомбамі і дронамі ў краінах Бліжняга Усходу7
Каментары