На прэзентацыю кнігі Севярынца ў роднай вёсцы Адама Станкевіча сабралася 7 з 9 жыхароў ФОТА
«У роднай вёсцы Адама Станкевіча з дзевяці жыхароў на прэзентацыі [кніг пра Беларускую хрысціянскую дэмакратыю і рамана Паўла Севярынца «Беларусалім»] прысутнічала сямёра (яшчэ адна жанчына і менскія госьці за кадрам)», — напісаў у сваім фэйсбуку палітык і пісьменнік.
Гаворка пра вёску Арляняты Смаргонскага раёна. Яшчэ ў 1999 годзе тут жыў 51 чалавек, на сёння засталося толькі 9. З Арлянят паходзіць цэлая плеяда дзеячоў культуры: акрамя Адама Станкевіч, яшчэ мовазнавец Ян Станкевіч, выдавец Стась Станкевіч.
Адам Станкевіч быў заснавальнікам партыі Беларуская хрысціянская дэмакратыя, яго закатавалі ў савецкім канцлагеры ў Тайшэце.
На выхадных прэзентацыя кніг прайшла таксама ў вёсках Каранды і Жодзішкі Смаргонскага раёна, ды ў Ашмяне.
На мінулым тыдні Севярынец пабываў на Віцебшчыне.
Наступныя прэзентацыі адбудуцца:
Орша — 7 снежня,
Вільня — 9 снежня,
Полацк — 12 снежня,
Рагачоў, Жлобін, Гомель — 16 снежня,
Рэчыца, Мазыр, Светлагорск — 17 снежня.
У Менску «Беларусалім» можна набыць у кнігарні «Акадэмкніга» (пр. Незалежнасці, 72), краме «Сымбаль.бай» (Машэрава, 18). Раман ёсць таксама на кніжных выставах у сядзібах БНФ (Чарнышэўскага, 3) і ТБМ (Румянцава, 13).
Электронную кнігу можна купіць на сайце Kniharnia.by.
Фатограф-агент з двума пашпартамі здымае беларусаў і іх мерапрыемствы ў Варшаве13
Каментары