У Каіры пачынаецца паўторны працэс па справе былога прэзідэнта Егіпта Хосні Мубарака. Паведамляецца, што абвінавачаны дастаўлены ў будынак суда.
Экс-прэзідэнта абвінавачваюць у датычнасці да забойства соцень удзельнікаў антыўрадавых выступаў у студзені 2011 г. У ходзе дэманстрацый загінулі больш за 850 чалавек.
У чэрвені мінулага года Хосні Мубарак быў прызнаны вінаватым у арганізацыі змовы з мэтай забойства пратэстоўцаў і прысуджаны да пажыццёвага зняволення.
Аднак у студзені гэтага года суд прыняў рашэнне паўторна правесці працэс, пастанавіўшы, што першы раз былі дапушчаны працэсуальныя парушэнні.
Мубарак і яго сыны Алаа і Гамаль таксама павінны паўстаць перад судом па асобнай справе аб карупцыі.
Цяпер чытаюць
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы1919
Каментары