Былы The Beatles Пол Макартні напісаў Уладзіміру Пуціну ліст з просьбай вызваліць фігурантаў справы Greenpeace, што ў верасні пікетавалі платформу «Прыразломная» ў Пячорскім моры і былі арыштаваныя.
Тэкст ліста апублікаваны на музычным партале Quai Baco.
«Я пішу вам, каб запэўніць, што Greenpeace, які я ведаю, ні ў якім разе не з'яўляецца антырускай арганізацыяй. Зыходзячы з уласнага досведу, магу заявіць, што ў іх ёсць звычка даставаць ўсе ўрады! І яны ніколі не атрымлівалі ніякіх грошай ад ніводнага з урадаў або кампаній у свеце», — піша спявак.
Макартні падкрэслівае, што Greenpeace заўсёды дзейнічае мірнымі сродкамі.
У лісце Пуціну ён згадвае аб напісанай ім 45 гадоў таму песні Back In The USSR, у якой ёсць радок Been away so long I hardly knew the place, gee it's good to be back home («Будучы ў ад'ездзе так далёка, што ўжо і не ведаў дзе, як жа я рады вярнуцца дадому».
«Не маглі б вы зрабіць так, каб гэта стала праўдай для зняволеных з Greenpeace?» — звяртаецца да расійскага прэзідэнта Макартні.
Раней Пол Макартні пісаў расійскім чыноўнікам ліст у падтрымку удзельніц Pussy Riot Марыі Алёхінай і Надзеі Талаконнікавай.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)