Прысуд па справе аб смерці пацыенткі «Экамедсэрвіса» 25-гадовай Юліі Кубаравай будзе абвешчаны ў судзе Кастрычніцкага раёна Мінска 31 студзеня.
27 студзеня ў судзе адбыліся спрэчкі бакоў, з апошнім словам выступілі абвінавачваныя — былы доктар-анестэзіёлаг медцэнтра, а цяпер урач хуткай дапамогі Аляксандр Шураў, былы генеральны дырэктар «Экамедсэрвіса», якая прапрацавала на гэтай пасадзе 12 дзён, а цяпер пенсіянерка Галіна Валжанкіна і галоўны інжынер прадпрыемства Вадзім Ліхута.
Дзяржабвінаваўца Мікалай Жэчка папрасіў суд прыгаварыць Шурава да пяці гадоў пазбаўлення волі з пазбаўленнем права займацца медыцынскай дзейнасцю на пяць гадоў, Валжанкіну да двух гадоў абмежавання волі без накіравання ў папраўчую ўстанову адкрытага тыпу з забаронай займацца прафесійнай дзейнасцю на два гады, Ліхуту да чатырох гадоў пазбаўлення волі з пазбаўленнем права займаць пасады, звязаныя з выкананнем арганізацыйна-распарадчых функцый.
Дзяржабвінаваўца лічыць, што матэрыяльны ўрон у 74 млн. рублёў бацькам Юліі Кубаравай павінен быць кампенсаваны. Што датычыцца пакрыцця маральнага ўрону (бацькі прасілі па 5 млрд. рублёў для кожнага), то Жэчка прапанаваў кампенсацыю не менш як па 500 млн. рублёў кожнаму.
Шураў сваю віну прызнаў часткова, Валжанкіна і Ліхута, пакінуць якога на працы на пасадзе галоўнага інжынера хадайнічаў «Экамедсэрвіс», віну не прызналі.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)