«Нерэнтабэльна» — кажа галоўны рэдактар выдавецтва «Беларусь» Якаў Аляксейчык. «Акадэмкніга»: «Родны край» - вельмі папулярны ў пакупнікоў».
«Нерэнтабэльна», — кажа галоўны рэдактар выдавецтва «Беларусь» Якаў Аляксейчык.
Паводле словаў сп. Аляксейчыка, каляндар кепска прадаецца. У 2006 г. было надрукавана меней як у мінулыя гады — 7000 асобнікаў, зь якіх не прадалі 1500.
«Вяртаньне ў 20 % робіць выпуск календара нерэнтабэльным» — патлумачыў галоўны рэдактар выдавецтва «Беларусь».
Мы патэлефанавалі ў кнігарню «Акадэмкніга». Таваразнаўца Сьвятлана Ўладзімераўна паведаміла нам, што ў іх каляндар «Родны край» заўсёды добра купляецца:
«Вельмі папулярны ў пакупнікоў, дый увогуле людзі часта просяць календары на беларускай мове, а іх, на жаль, вельмі мала выпускаюць».
На яе думку, каб каляндар добра раскупляўся, яго трэба рэклямаваць і выпускаць своечасова.
Варта адзначыць, што Я. Аляксейчык раней кіраваў дзяржаўным інфармацыйным агенцтвам БелТА.
Каментары