Грамадства66

Разанаў і Маркавец прайгралі суд МТС

На судзе былі прадстаўленыя доказы таго, што падобныя графічныя выявы выкарыстоўваліся яшчэ ў творах Казімера Малевіча.

16 кастрычніка скончылася зацягнуты судовы працэс паэта Алеся Разанава і Віктара Маркаўца супраць апэратара мабільнай сувязі СТАА «Мабільныя ТэлеСыстэмы». Творцы спрабавалі адстаяць у судзе аўтарскія правы.

Справа ў тым, што ад мінулага году МТС у сваёй рэкляме выкарыстоўвае наступны графічны вобраз — белае яйка ў чырвоным квадраце і чырвонае яйка ў белым квадраце. Новы брэнд кампаніі МТС зьявіўся ў траўні 2006 г. Распрацавала яго брытанская брэндынгавая агенцыя Wolff Olins. Разанаў з Маркаўцом сьцьвярджалі, што гэты вобраз яшчэ ў 1992 годзе прыдумалі яны і далі назву «яйкаквадраты».

Спадары Маркавец і Разанаў настойвалі на тым, каб кампанія МТС папрасіла ў іх прабачэньне на старонках газэт за выкарыстаньне іхнай інтэлектуальнай уласнасьці, а таксама кампэнсаваць па 620 тысяч рублёў кожнаму з творцаў. У сваю чаргу апэратар мабільнай сувязі прадставіў суду доказы таго, што яны карыстаюцца выявай абсалютна законна, бо маюць на гэта дазвол ад расейскага ЗАТ «Сыстэмы тэлекамунікацый, інфарматыкі і сувязі», якое зарэгістравала гэты таварны знак яшчэ ў 2004 годзе.

Працэс доўжыўся ад 27 жніўня. Толькі праз два месяцы судзьдзя Вярхоўнага суду Коршун вынес канчатковы вырак па гэтай справе. Суд вырашыў цалкам адхіліць пазоў Алеся Разанава і Віктара Маркаўца да кампаніі МТС. Судзьдзя палічыў недастатковымі довады пазоўнікаў, што кампанія ўжывае менавіта іхны твор, хаця троху і ў пераробленым выглядзе. Таксама былі прадстаўленыя доказы таго, што падобныя графічныя выявы ўжываліся яшчэ да 1992 году, у тым ліку ў творах Казімера Малевіча.

Рашэньне Вярхоўнага суду канчатковае і абскарджваньню не падлягае.

Паэт Алесь Разанаў адразу па вынясеньні рашэньня сказаў, што не чакаў іншага выраку:

«Мы падалі паперы ў цэнтар інтэлектуальнай уласнасьці і там яе будуць разглядаць. Якое б не было рашэньне суду, яйкаквадраты ад гэтага не прайграюць, бо яны ўжо сталі зьявай культуры, мастацтва, гісторыі. З намі суд можа паспрачацца, але зь яйкаквадратамі — не. Нам важным быў не канчатковы вынік, а сама зьява суду, сама зьява разборак, змаганьня, што падключылася прэса, што гэта агучваецца».

Зьміцер Панкавец


Віктар Маркавец і Алесь Разанаў

Здымкі Андрэя Лянкевіча

Каментары6

Байдэн выходзіць з прэзідэнцкай гонкі38

Байдэн выходзіць з прэзідэнцкай гонкі

Усе навіны →
Усе навіны

«Мінскія Патрыкі? Не, Бікіні Ботам». Найлепшыя твіты тыдня4

З'явілася ФОТА з суда над Рыка Крыгерам

Замест СМС — выццё сірэн. МНС хоча памяняць сістэму апавяшчэння падчас непагадзі2

Олаф Шольц дагэтуль глядзіць лямпавы тэлевізар6

Славакія і Венгрыя спыняюць пампаваць нафту праз трубаправод «Дружба». Гэта важна і для Беларусі

УСУ нанеслі ўдар па вайсковым аэрадроме ў Растоўскай вобласці1

Немец, прысуджаны да расстрэлу, датычны да дыверсій? Вось што за гісторыя гэта магла быць9

У ЗША вызвалілі жанчыну, якая адсядзела 43 гады ні за што2

Пасля ўрагану беларусы падалі больш за 10 тысяч заявак у Белдзяржстрах1

больш чытаных навін
больш лайканых навін

Байдэн выходзіць з прэзідэнцкай гонкі38

Байдэн выходзіць з прэзідэнцкай гонкі

Галоўнае
Усе навіны →