Сёньня раніцай а 7.30 упершыню адчынілася аўтобусная каса на дыспэтчарскай станцыі «Дружная».
Сёньня раніцай а 7.30 упершыню адчынілася аўтобусная каса на дыспэтчарскай станцыі «Дружная», гэта з паўднёвага боку чыгуначнага вакзалу.
Каса месьціцца на вуліцы Вакзальнай, 26 і суседзіць з прыгараднымі чыгуначнымі касамі. У ёй можна купіць білеты на аўтобусы па Белаурсі і за мяжу. Графік працы — ад 7.30 да 20.00.
Пасьля закрыцьця цэнтральнага аўтавакзалу білеты на аўтобус у сталіцы можна было набыць на рэшце аўтобусных вакзалаў, якія знаходзяцца па‑за цэнтрам.
На д/с «Дружная» таксама заяжджаюць аўтобусы па дарозе з Усходняга вакзалу ў Горадню, Баранавічы, Пінск, Іванава, Сьвіслач ды іншыя гарады, поўны сьпіс якіх можна пабачыць на сайце «Мінсктранса».
Каментары