Музыканты скарылі журы і публіку творамі на вершы Максіма Багдановіча і сучасных беларускіх паэтаў.
Друі па ліку конкурс «Кампазітары XXI ст.» ладзіўся ў горадзе Калуга (Расія). У ім бралі ўдзел больш за 100 удзельнікаў з розных краінаў свету. Беларусь прадстаўляў дуэт Вячаслава Пяцько (піяніна) і Сяргея Доўгушава (вакал).
«Мы падрыхтавалі праграму на вершы беларускіх паэтаў і па шчырасці зусім не разлічвалі заняць высокія месцы, бо былі пэўныя, што нас не зразумеюць, але выйшла зусім наадварот. Да беларускіх спеваў паставіліся надзвычай прыязна і авацыі былі доўгімі», — распавёў парталу Tuzin.fm Cяргей Доўгушаў, вядомы найперш у якасці лідара гурту Vuraj.
Яны выканалі два творы на вершы Максіма Багдановіча — «Максімава песня» і «Павукі», а таксама некалькі песень на вершы Міколы Вяршыніна і Міколы Шабовіча. Па выніку іх выступ быў адзначаны другім месцам у намінацыі«Кампазіцыя».
Сёння, 22 кастрычніка гурт Vuraj дае вялікі сольны канцэрт у Палацы прафсаюзаў.
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4444
Каментары