Нікаля Сарказі заявіў, што лідэры краін – сябраў ЭЗ дасягнулі прынцыповай згоды наконт адпраўкі місіі ў складзе 1 800 чалавек у Косава ў выпадку абвяшчэньня краем незалежнасьці.
Як мяркуецца, гэта можа адбыцца ў пачатку наступнага году. Але міністар замежных спраў Люксэмбургу заявіў, што місія можа адправіцца ў Косава ўжо пасьля Божага Нараджэньня.
Выступаючы на саміце ЭЗ у Брусэлі, Сарказі сказаў, што незалежнасьць Косава непазьбежная.
У той жа час прэм’ер‑міністар Партугаліі Жазэ Луіш Сакратэш падкрэсьліў, што Эўразьвяз не гатовы прызнаць незалежнасьці Косава, абвешчаную ў аднабаковым парадку.
Магчыма, лідэры ЭЗ прапануюць Бялграду падпісаць пагадненьне аб умацаваньні сувязяў э Эўразьвязам, якое магло б паскорыць працэс уступленьня Сэрбіі ў гэту арганізацыю. Але кіраўнік МЗС Сэрбіі Вук Ерэміч адкінуў магчымасьць зьдзелкі, заявіўшы, што Бялград ніколі не адмовіцца ад Косава.
На Шры-Ланцы ў 37 гадоў памёр беларускі кінапрадзюсар Андрэй Маталыга4
Каментары