Папа Францішак упершыню прыбыў з візітам на Кубу, дзе правядзе чатыры дні, а затым адправіцца ў ЗША. Выступаючы ў Гаване, ён заклікаў прэзідэнта ЗША Барака Абаму і кубінскага лідара Рауля Кастра працягнуць нармалізацыю адносін паміж краінамі.
Папа Францішак і Рауль Кастра, фота AFP
Францішку, першаму пантыфіку з Лацінскай Амерыкі, прыпісваюць актыўны ўдзел у аднаўленні дыялогу паміж Вашынгтонам і Гаванай.
«Вось ужо некалькі месяцаў мы назіраем падзею, якая напаўняе нас надзеяй: працэс нармалізацыі адносін паміж двума народамі пасля столькіх гадоў адчужэння», — сказаў Францішак.
«Я заклікаю палітычных лідараў настойліва ісці па гэтым шляху і раскрываць увесь свой патэнцыял… у якасці прыкладу прымірэння для ўсяго свету», — дадаў пантыфік.
У прывітальнай прамове Рауль Кастра падзякаваў кіраўніку каталікоў за яго ўклад у аднаўленне адносін Кубы з ЗША і асудзіў дзеючае 53 гады гандлёвае эмбарга Вашынгтона ў дачыненні да Кубы.
У чацвер Ватыкан выказаў надзею на тое, што візіт папы дапаможа пакласці канец 53-гадоваму амерыканскаму эмбарга і прывядзе да пашырэння правоў і свабод на востраве.
У пятніцу ЗША абвясцілі аб змякчэнні абмежаванняў, што тычыліся паездак на Кубу і супрацоўніцтва з кубінскімі прадпрымальнікамі.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)