Жыхары Славеніі галасуюць на рэферэндуме па пытанні легалізацыі аднаполых шлюбаў. Калі большасць прагаласуе «за», то Славенія стане першай краінай на посткамуністычнай прасторы, якая ўхваліць гей-саюзы.
У сакавіку парламент краіны змяніў фармулёўкі ў законе, і шлюбам цяпер лічыцца «саюз двух людзей», а не «саюз мужчыны і жанчыны».
Праціўнікі закона пачалі шырокую кампанію пратэсту і заблакавалі рэалізацыю закона. У выніку пытанне было вырашана вынесці на рэферэндум.
Большая частка насельніцтва Славеніі адносіць сябе да каталіцкай царквы, якая не ўхваляе аднаполыя саюзы.
Падобны рэферэндум ужо праходзіў у Славеніі ў 2012 годзе. Тады ідэя легалізацыі аднаполых шлюбаў была адпрэчаная большасцю галасоў. Пры гэтым яўка на рэферэндуме была даволі нізкай.
Цяпер чытаюць
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?21
Каментары