Незалежных журналістаў Кацярыну Андрэеву (Бахвалаву), Сяргея Кавалёва, Алеся Сіліча і Марыю Арцыбашаву вінавацяць у незаконным вырабе прадукцыі СМІ — працы без акрэдытацыі на карысць тэлеканала «Белсат».
Судзіць усіх чатырох журналістаў Ігар Касцян. Самі ж карэспандэнты вырашылі не прыходзіць на паседжанні, суд пастанавіў разглядаць справу без іх.
На Андрэеву і Кавалёва склалі пратаколы за сюжэты пра Дзень незалежнасці і Дзень дэсантніка і асудзілі кожнага на 50 базавых велічынь (па 1 150 рублёў).
Міліцыянты вінавацяць карэспандэнтаў у парушэнні арт. 22.9 Кодэкса аб адміністрацыйных правапарушэннях, аднак ГА «Беларуская асацыяцыя журналістаў» ужо шмат гадоў настойвае на тым, што судзіць журналістаў і аператараў па гэтым артыкуле неправамерна. Бо адказнасць за працу без акрэдытацыі ў Беларусі не прадугледжана. Нягледзячы на гэта толькі сёлета журналістаў за супрацоўніцтва з «Белсатам» штрафавалі ўжо 30 разоў.
Алеся Сіліча і Марыю Арцыбашаву будуць судзіць а 15-й гадзіне
