Грамадства88

Каго затрымліваюць пасля праверкі тэлефона на мяжы? Назіранні з ізалятара 

Падчас знаходжання ў Брэсцкім ІЧУ Аляксандр Рамановіч, пінскі праваабаронца і грамадскі актывіст, сустракаў людзей, якіх затрымалі на беларускай мяжы пасля раптоўнай праверкі тэлефонаў. Хто і што цікавіла сілавікоў?

Аляксандр кажа, што затрымліваюць абсалютна розных людзей — нейкую заканамернасць вылучыць немагчыма.

На праверку могуць адправіць не толькі тых, хто доўгі час не з’яўляўся ў Беларусі. Напрыклад, з Аляксандрам сядзеў прадпрымальнік, які па працоўных справах паехаў у Польшчу ненадоўга — а на зваротным шляху ў яго на мяжы знайшлі старую падпіску.

— Я чуў нават гісторыю пра тое, што затрымалі кіроўцу фуры — яго адвялі, а фура так і засталася на мяжы.

Праваабаронца адзначае: не трэба думаць, быццам патрабаваць паказаць тэлефон могуць толькі ў тых, хто трапіў у базу «БЕСпарадкі» ці недзе засвяціўся.

Сярод затрыманых былі людзі, якія не ўдзельнічалі ў пратэстах і ўвогуле звычайна не хваляваліся перад паездкай за мяжу наконт таго, што ў іх пачнуць нешта правяраць у тэлефоне.

— Знаходзяць тое, пра што чалавек ужо і сам забыўся — нейкія рэпосты, падпіскі. Калі чалавек не вельмі актыўна карыстаецца сацыяльнымі сеткамі, ці будзе ён памятаць, што ў 2020 годзе рэпосціў нешта з рэсурсу, які ў той момант не лічыўся экстрэмісцкім?

Аляксандр кажа, што па яго назіраннях у большасці выпадкаў людзі ўсё ж атрымлівалі штрафы, а не суткі.

Але імаверна, гэта звязана з тым, што яны не былі актыўнымі ўдзельнікамі пратэстаў.

***

«Наша Ніва» стварыла шмат гайдаў па розных галінах бяспекі. Яны прыдадуцца вам пры ачыстцы смартфона, а іх выкананне зойме час. 

Пачысціце тэлеграм і іншыя месенджары. Асобна звярніце ўвагу на ўкладкі «спампаваныя» і «медыя» (як іх пачысціць мы пісалі тут). Каб разумець магчымасці сілавікоў пры пошуку ў тэлеграме — прачытайце артыкул. Звярніце ўвагу на тое, як вычысціць «экстрэмісцкія» тэлеграм-боты з вашага акаўнта.

Пачысціце ваш Instagram. Потым паглядзіце на «Аднакласнікі», «Укантакце» і Facebook. Пераправерце вашы лайкі. Калі вы ахвяравалі праз Facebook, то паглядзіце як выдаліць акаўнт правільна. Асобна звярніце ўвагу на TikTok (1 частка, 2 частка).

Пасля гэтага пераправерце YouTube і Google-акаўнт.

Праглядзіце галерэю і пачысціце фота адтуль, пасля пераправерце Google Photos. Калі ў вас iPhone, то вам пасуе гэты гайд.

Мы пісалі пра тое, як зразумець, што вы ў небяспецы, калі вы некуды ахвяравалі (асобна — пра Patreon і Stripe). Таксама — пра тое, якіх данацёраў садзяць за краты. А тут — пра тое, якая імавернасць таго, што ваш тэлеграм-акаўнт здэананімізавалі. Звярніце на іх увагу.

Каментары8

  • Влад
    21.06.2024
    [Рэд. выдалена]
  • реалии
    21.06.2024
    Смартфоны зло, раньше их не было и люди были умнее и себя чувствовали свободнее во всех смыслах.
  • так пераможам
    21.06.2024
    будзем сядзець пад лаўкай і выдаляць сацсеткі
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Шпакоўскі даў зразумець, што знакавых палітвязняў могуць вызваліць пры ўмове выезду за мяжу2

Шпакоўскі даў зразумець, што знакавых палітвязняў могуць вызваліць пры ўмове выезду за мяжу

Усе навіны →
Усе навіны

Чаго чакаць беларусам ад новага сусветнага парадку? Разважанні пра новую рэальнасць21

У Беларусі прадаюць Peugeot 407 з унікальнай афарбоўкай і касмічнай цаной2

Зяленскі: Мы ў самы складаны момант не прынялі ультыматуму. Не прымем і цяпер46

«Цесля». Чаму гэты спектакль варта паглядзець1

Што будзе ў выпадку, калі ЗША прыпыніць санкцыі на беларускі калій і банкі16

Мікрапазыкі цяпер будуць выдавацца на іншых умовах

Зяленскі перанёс прызначаны на заўтра свой візіт у Саудаўскую Аравію7

Лаўроў заявіў, што не бачыў трохэтапнага мірнага плану па Украіне5

Памятаеце суполку «Мы за вялікую Беларусь» пачатку 2010-х? Яе адміністратара Паўлюкевіча судзяць за пратэсты

больш чытаных навін
больш лайканых навін

Шпакоўскі даў зразумець, што знакавых палітвязняў могуць вызваліць пры ўмове выезду за мяжу2

Шпакоўскі даў зразумець, што знакавых палітвязняў могуць вызваліць пры ўмове выезду за мяжу

Галоўнае
Усе навіны →

Заўвага:

 

 

 

 

Закрыць Паведаміць