Мінінфарм заблакаваў «Беларускі партызан» за публікацыю «забароненай інфармацыі»
Міністэрства інфармацыі прыняла рашэнне аб абмежаванні доступу да сайта «Беларускі партызан».
«У рамках ажыццяўлення кантролю за выкананнем заканадаўства аб СМІ Міністэрствам інфармацыі на падставе падпункта 1.2 пункта 1 артыкула 511 Закона «Аб сродках масавай інфармацыі» прынята рашэнне аб абмежаванні доступу да інфармацыйнага рэсурсу belaruspartisan.org.
Гэтае рашэнне прынята па выніках маніторынгу рэсурсу, які выявіў сістэматычнае парушэнне заканадаўства аб сродках масавай інфармацыі.
На ўказаным інфармацыйным рэсурсе, размешчаным за межамі нацыянальнага сегмента інтэрнэту, рэгулярна размяшчаюцца матэрыялы, у якіх змяшчаецца забароненая інфармацыя», — паведамляецца на сайце Міністэрства інфармацыі.
Асноўныя інтэрнэт-правайдары ўжо заблакавалі сайт.
Напрыклад, кліентам «Белтэлекама» адлюстроўваецца паведамленне пра тое, што «рэсурс заблакаваны ў адпаведнасці з заканадаўствам Беларусі».
Не могуць адкрыць сайт і карыстальнікі мабільных аператараў — МТС, «Велкома» і «Лайфа».
Пры гэтым з-за мяжы ці з дапамагой ананімазайраў сайт адкрываецца без праблем.
«Беларускі партызан» уваходзіў у дзясятку самых папулярных інфармацыйных рэсурсаў краіны. Быў заснаваны Паўлам Шараметам. Пасля яго гібелі ў 2016-м новыя рэдактары сайта не раскрывалі сваіх імёнаў.
Сайт быў зарэгістраваны ў даменнай зоне *.org, і беларускія ўлады ніяк не маглі яго кантраляваць.
Святлана Калінкіна: «Беларускі партызан» папярэджанняў не атрымліваў»
Цяпер чытаюць
26‑гадовага супрацоўніка элітнага падраздзялення мытні асудзілі на 16 гадоў па наборы палітартыкулаў. Сярод іх і «здрада дзяржаве»6
Каментары