Mininfarm zabłakavaŭ «Biełaruski partyzan» za publikacyju «zabaronienaj infarmacyi»
Ministerstva infarmacyi pryniała rašeńnie ab abmiežavańni dostupu da sajta «Biełaruski partyzan».
«U ramkach ažyćciaŭleńnia kantrolu za vykanańniem zakanadaŭstva ab ŚMI Ministerstvam infarmacyi na padstavie padpunkta 1.2 punkta 1 artykuła 511 Zakona «Ab srodkach masavaj infarmacyi» pryniata rašeńnie ab abmiežavańni dostupu da infarmacyjnaha resursu belaruspartisan.org.
Hetaje rašeńnie pryniata pa vynikach manitorynhu resursu, jaki vyjaviŭ sistematyčnaje parušeńnie zakanadaŭstva ab srodkach masavaj infarmacyi.
Na ŭkazanym infarmacyjnym resursie, raźmieščanym za miežami nacyjanalnaha siehmienta internetu, rehularna raźmiaščajucca materyjały, u jakich źmiaščajecca zabaronienaja infarmacyja», — paviedamlajecca na sajcie Ministerstva infarmacyi.
Asnoŭnyja internet-pravajdary ŭžo zabłakavali sajt.
Naprykład, klijentam «Biełtelekama» adlustroŭvajecca paviedamleńnie pra toje, što «resurs zabłakavany ŭ adpaviednaści z zakanadaŭstvam Biełarusi».
Nie mohuć adkryć sajt i karystalniki mabilnych apierataraŭ — MTS, «Viełkoma» i «Łajfa».
Pry hetym z-za miažy ci z dapamahoj ananimazajraŭ sajt adkryvajecca biez prablem.
«Biełaruski partyzan» uvachodziŭ u dziasiatku samych papularnych infarmacyjnych resursaŭ krainy. Byŭ zasnavany Paŭłam Šaramietam. Paśla jaho hibieli ŭ 2016-m novyja redaktary sajta nie raskryvali svaich imionaŭ.
Sajt byŭ zarehistravany ŭ damiennaj zonie *.org, i biełaruskija ŭłady nijak nie mahli jaho kantralavać.
Śviatłana Kalinkina: «Biełaruski partyzan» papiaredžańniaŭ nie atrymlivaŭ»
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Kamientary