Даследаванне нямецкіх навукоўцаў, якія прапанавалі выкарыстоўваць сперматазоіды для лячэння раку маткі, апублікавана ў ACS Nano, паведамляе New Scientist.
У сваіх эксперыментах спецыялісты выкарыстоўвалі сперматазоіды для дастаўкі проціпухліннага прэпарату даксарубіцына да ракавых тканак маткі. Папярэдне апрацаваныя прэпаратам сперматазоіды (даксарубіцын актыўна пранікае ў галоўкі мужчынскіх палавых клетак) забяспечвалі магнітнымі мікраматорамі, якія кантралявалі кірунак руху сперматазоідаў.
Дасягнуўшы пухліннай тканіны, сперматазоід прыліпаў да сценкі ракавай клеткі, а з яго галоўкі пачынаў пранікаць даксарубіцын. Такім спосабам за тры дні ўдалося знішчыць 87% ракавых клетак.
Навукоўцы мяркуюць, што такія спермаботы могуць выкарыстоўвацца таксама для лячэння эндаметрыёзу (разрастання клетак унутранай паверхні сценкі маткі) або дастаўкі метатрэксату да зародка ў выпадку пазаматачнай цяжарнасці.
Паводле Сусветнай арганізацыі аховы здароўя, штогод у свеце ад раку шыйкі маткі паміраюць каля 300 тысяч жанчын. Для прадухілення захворвання міжнародная арганізацыя рэкамендуе прышчапляць дзяўчынак ва ўзросце 9—13 гадоў вакцынай ад папіломавірусаў чалавека, з якімі медыкі звязваюць большасць выпадкаў раку шыйкі маткі.
Цяпер чытаюць
Расіяне сапраўды сталі часцей купляць нерухомасць у Беларусі? Вось што расказваюць рыэлтары12
Расіяне сапраўды сталі часцей купляць нерухомасць у Беларусі? Вось што расказваюць рыэлтары
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»11
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары