Фота info24.ru.
Рэдактар расійскага часопіса «Арсенал Отечества» Аляксей Леанкоў распавёў «Ізвестіям», па якім прынцыпе працуюць сістэмы радыёэлектроннай барацьбы (РЭБ) «Самарканд», якія Мінабароны Расіі размесціць у 13 вайсковых часцях Архангельскай, Калінінградскай, Маскоўскай, Мурманскай, Ніжагародскай абласцей, Краснадарскім і Прыморскім краі, Яўрэйскай аўтаномнай вобласці і ў Беларусі.
Паводле яго слоў, устаноўкі здольныя працаваць супраць сістэм сувязі, а менавіта глушыць і парушаць іх. Таксама пад «удар» трапляюць і радыёлакацыйныя комплексы, самалёты-разведчыкі і спадарожнікі. Сістэма РЭБ будзе ствараць для іх перашкоды, калі яны паспрабуюць вызначыць месцазнаходжанне пэўных аб'ектаў. Комплексы працуюць і супраць GPS-навігацыі, блытаючы каардынаты.
Расійскі ваенны аналітык Уладзіслаў Шурыгін адзначае, што «Самарканд» — гэта сістэма падаўлення.
«Практычна гэта значыць, што ўваход у зону дзеяння гэтай сістэмы пазбаўляе суперніка магчымасці выкарыстоўваць сувязь, магчымасці выкарыстоўваць электронную апаратуру, прыцэлы, сістэмы навядзення. І ён становіцца сляпым і глухім», — цытуе яго радыёстанцыя «Говоріт Москва».