У матчы 5-га тура Лігі нацый зборная Беларусі выйграла ў гасцях у Люксембурга — 2:0. Дублем вызначыўся Стас Драгун.
Гол Станислава Драгуна в ворота сборной Люксембурга#СборнаяБеларуси #БелыяКрылы #LUXBLR #ЛигаНаций pic.twitter.com/PbzkMOB05X
Дубль Стаса Драгуна!#СборнаяБеларуси #БелыяКрылы #LUXBLR #ЛигаНаций pic.twitter.com/FYuA3vgjYT
Малдова сёння мінімальна перамагла Сан-Марына 1:0.
Пасля 5 тураў: Беларусь — 11, Люксембург — 9, Малдова — 8, Сан-Марына — 0.
Апошні тур у нашай групе D2 пройдзе ў нядзелю. Беларусь у гасцях гуляе з Сан-Марына, а Малдова дома з Люксембургам. Прайграць Сан-Марына — гэта з вобласці фантастыкі.
Пераможца нашай групы выходзіць не толькі ў дывізіён С Лігі нацый, але, галоўнае, у плэй-оф дывізіёна D Лігі нацый, дзе з іншымі трыма супернікамі разыграе адну пуцёўку на чэмпіянат Еўропы па футболе 2020 года.
З групы D1 гэту пуцёўку заваявала Грузія. У групе D3, відаць, прэтэндуюць Косава і Азербайджан, у групе D4 — Македонія, Арменія і, магчыма, Гібралтар. Гэты плэй-оф пройдзе або ў чэрвені 2019, або ў сакавіку 2020 года.
Аднак праз два тыдні, 1 снежня 2018 года, у Дубліне пройдзе лёсаванне традыцыйнага адборачнага турніру на Еўра-2020.
55 зборных будуць разбітыя на 10 групаў (па пяць ці шэсць зборных у залежнасці ад лёсавання). Пуцёўкі на Еўра-2020 атрымае дзве каманды з групы. Турнір пройдзе з сакавіка па лістапад 2019 года.
Прабіцца праз гэты адбор на чэмпіянат Еўропы куды складаней, чым праз турнір Лігі нацый.
Цяпер чытаюць
Былы міністр культуры Руслан Чарнецкі знайшоў сабе падпрацоўку9
Каментары