У Расіі наводзіла жах банда беларускіх рабаўнікоў. Пры налётах яны маўчалі, каб не выдаць сябе беларускім акцэнтам
Гаварыў толькі іх падзельнік, грузін Серго — яго руская мова была чысцейшая, чым у беларусаў.
Прысуд «бандзе Лукошка», якая дзейнічала ў Расіі ў 2019‑2020 гадах, звяртае на сябе ўвагу праз дэталі, датычныя Беларусі.
У яе склад уваходзілі грамадзяне Беларусі Аляксандр Лукошка, Віталь Кучук, Міхаіл Мілаш, Сяргей Кокаш і Аляксандр Журка.
Адзін з эпізодаў справы — начны разбой у снежні 2019 года ў доме пажылой жанчыны ў Цвярской вобласці, куды нападнікі прыйшлі ў пошуках грошай, атрыманых ёй у спадчыну. Паводле матэрыялаў справы,
арганізатар нападу перад тым, як увайсці ў дом, дакладна размеркаваў ролі і папярэдзіў удзельнікаў групы: маўчаць, бо іх можа выдаць беларускі акцэнт.
Весці размову з ахвярай даручылі адзінаму ўдзельніку банды, які ўмеў размаўляць па-руску лепш за беларусаў — этнічнаму грузіну Серго Шаўлохаву.
Астатнім забаранілі не толькі гаварыць, але і паліць ды пляваць на месцы злачынства, каб не пакінуць біялагічных слядоў, а таксама патрабавалі адключаць тэлефоны і хаваць твары пад маскамі.
Што рабілі беларусы апроч таго, што ўварваліся ў дом пажылой жанчыны? Скралі ў знаёмага-крымінальніка абрэз паляўнічай стрэльбы, каб узброіць банду; падпалілі аўтамабіль па чыейсьці просьбе за $200; рабавалі жанчын, вырываючы ў іх сумкі з тэлефонамі, дакументамі і грашыма; скралі акумулятары і бензін з прыпаркаваных аўтамабіляў.
У выніку Лукошку прысудзілі 13 гадоў 6 месяцаў калоніі, Віталю Кучуку і Міхаілу Мілашу — па 13 гадоў кожнаму, Сяргею Кокашу — 12 гадоў, Аляксандру Журку — 11 гадоў.
Цяпер чытаюць
Каля плошчы Бангалор у Мінску вырас яшчэ адзін звышсакрэтны аб’ект20
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары
[Зрэдагавана]