Доля ўкраінскай мовы ў эфірах агульнанацыянальных украінскіх тэлеканалаў за 2018 год у сярэднім склала 92%. Пра гэта са спасылкай на паведамленне члена Нацыянальнай рады па пытаннях тэлебачання і радыёвяшчання Украіны Сяргея Касцінскага ў Facebook паведамляе «Укрінфарм». Аналагічны паказчык для агульнанацыянальных радыёстанцый Украіны, па дадзеных Касцінскага, складае 86%.
Даць штуршок развіццю ўкраінскай музыкі на мясцовым радыё ўладамі ўдалося дзякуючы ўвядзенню моўных квотаў, лічыць член Нацрады. «Па выніках двух гадоў дзеяння квот, больш за палову песень у эфіры ўкраінскіх радыёстанцый гучаць менавіта на ўкраінскай мове», - дадаў ён, заўважыўшы аднак, што для захавання названых нормаў на працягу года рэгулятару «прыйшлося аштрафаваць 21 радыёстанцыю на суму больш за 1,7 млн грыўняў ($ 61,4 тыс.) ». «У большасці выпадкаў мы штрафавалі менавіта за невыкананне квоты песень на ўкраінскай», - растлумачыў Касцінскі.
Цяпер чытаюць
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4444
Каментары