Тром польскім рыма‑каталіцкім святарам з Гарадзенскай дыяцэзіі не падоўжаны дазвол на рэлігійную дзейнасць у Беларусі
Тром польскім рыма‑каталіцкім святарам з Гарадзенскай дыяцэзіі не падоўжаны дазвол на рэлігійную дзейнасць у Беларусі на 2009 год.
Ксяндзам Яну Браноўскаму з вёскі Галынка Гарадзенскага раёна, Яну Сканечнаму з гарадскога пасёлка Поразава Свіслацкага раёна і Анджэю Краўчыку са Слоніма, якія многія гады жывуць на тэрыторыі Беларусі, прадпісана завяршыць сваю дзейнасць у краіне да 1 студзеня 2009 года.
У інтэрв’ю БелаПАН начальнік аддзела па справах рэлігій апарату ўпаўнаважанага па справах рэлігій і нацыянальнасцей Марына Цвілік матывам адмовы ў падаўжэнні дазволу называла тую акалічнасць, што
«ксяндзы не валодаюць дзяржаўнымі мовамі Рэспублікі Беларусь».
Каментуючы сітуацыю, настаяцель Гарадзенскай рыма‑каталіцкай абшчыны Найсвяцейшай Панны Марыі Вострабрамскай, Маці міласэрнасці ксёндз Аляксандр Шэмет зазначыў, што
дзяржава не павінна дыктаваць рэлігійнай арганізацыі мову літургіі.
«Наколькі я ведаю ксяндзоў, якім не падоўжаны дазвол на рэлігійную дзейнасць, яны валодаюць дзяржаўнымі мовамі краіны прыкладна на такім узроўні, як астатнія беларускія ксяндзы і чыноўнікі.
І я не бачу неабходнасці,каб у сваіх прыходах, дзе на працягу многіх гадоў служба вядзецца па‑польску,
гэтыя святары разам са сваімі прыхаджанамі сталі маліцца на беларускай ці рускай мовах», — сказаў ксёндз Аляксандр.
Згодна з неафіцыйнай інфармацыяй, можа быць не падоўжаны дазвол на рэлігійную дзейнасць яшчэ шэрагу замежных рымска‑каталіцкіх святароў, у тым ліку тром ксяндзам і некалькім манахіням Мінска‑Магілёўскай архідыяцэзіі — таксама грамадзянам Польшчы.
Цяпер чытаюць
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя1919
Каментары