Хлопчыка, які нарадзіўся ў Японіі з рэкордна нізкай вагой 268 г, выпісалі са шпіталя ў Токіа, паведамляе агенцтва Kyodo.
Гэта самае маленькае немаўля, якое выжыла пасля нараджэння. Медыкам з такійскага ўніверсітэта Кэйё атрымалася выхадзіць малога.
Хлопчык нарадзіўся ў жніўні. Падчас цяжарнасці маці ён перастаў набіраць вагу. Дзіця знаходзілася ў аддзяленні інтэнсіўнай тэрапіі некалькі месяцаў, пакуль не набрала 3,2 кг. Зараз здароўю дзіцяці нічога не пагражае.
Папярэдні рэкорд па самай нізкай вазе сярод нованароджаных хлопчыкаў (274 г) зафіксаваны ў 2009 годзе ў Германіі.
Каментары