Што вядома пра жанчыну, якая загінула ў аўтобусе, што вёз беларускіх футбалістаў-школьнікаў у Геленджык?
Сваім родным горадам у сацсетках Вікторыя Грыцэнка пазначала Луганск. Але шмат гадоў яна пражыла ў Беларусі.
Вікторыя Грыцэнка (Гарошка), жонка дзіцячага трэнера Аляксея Гарошкі, суправаджала футбалістаў-школьнікаў з Рэчыцы падчас паездкі ў Геленджык (Краснадарскі край Расіі). Аўтобус ехаў па трасе Гомель — Бранск, калі ў яго прыляцеў дрон. Вікторыя загінула.
Жанчыне было 44 гады. Яе муж Аляксей, хутчэй за ўсё, зараз паранены і знаходзіцца ў цяжкім стане (Рэчыцкі райвыканкам паведамляў пра шпіталізаванага трэнера-выкладчыка).
Аляксей шмат гадоў працуе ў ДЮСШ №2 Рэчыцкага раёна — яго выхаванцы рэгулярна ўдзельнічаюць у розных спаборніцтвах і перыядычна заваёўваюць прызавыя месцы.
Сваім родным горадам у сацсетках Вікторыя Грыцэнка пазначала Луганск. Але шмат гадоў яна пражыла ў Беларусі. Раней Вікторыя працавала цырульніцай, а пасля прадавачкай (згодна з дадзенымі Веlpol).
У загінулай жанчыны засталіся дзве дачкі-двайняты, ім па 21 годзе.
26 чэрвеня Вікторыя павінна была прысутнічаць на ўручэнні дыплома адной з дачок. Яна планавала потым зладзіць пікнік для блізкіх у гонар гэтай падзеі.
Ціханоўская пра ўдар па аўтобусе з беларускімі дзецьмі: Не рызыкуйце жыццём — не едзьце ў Расію, якая вядзе злачынную і несправядлівую вайну
Адно дзіця, што трапіла пад абстрэл у Бранскай вобласці, знаходзіцца ў цяжкім стане
Дзяцей-футбалістаў з Рэчыцы павезлі ў Геленджык па прыфрантавой вобласці Расіі. У аўтобус папаў беспілотнік
Што вядома пра жанчыну, якая загінула ў аўтобусе, што вёз беларускіх футбалістаў-школьнікаў у Геленджык?18
Каментары
Шкада дзяцей.
Але навошта ехаць на Масковію тым больш ў летнія лагеры Масковіі адпраўляць сваіх ці іншых дзяцей?
Гэта ж як ехаць ў Трэці рэйх і ў лагеры гітлерюнгер? Ды яшчэ на лінію фронту!
Ці ехаць ў іншую краіну дзе забойцы, рабаўнікі, гвалтаўнікі, педафілы і чалавеканенавіснікі узведзены ў ранг герояў. Дзе норма забіць і згвалтаваць суседа. Норма бамбіць цывільныя гарады, школы, шпіталі. Норма што дня тварыць ваенныя злачынствы і злачынствы супраць чалавецтва.
Людзі ўключыць розум!
Трымайце сваіх дзяцей і родных як мага далей ад Масковіі і асабліаа ад "херояў сва".