Ужо трэці банк уводзіць плату за прыём расійскіх рублёў ад замежнікаў
БНБ-Банк уводзіць 5%-ю камісію за прыём наяўных расійскіх рублёў ад нерэзідэнтаў.
Яшчэ адна беларуская фінансавая ўстанова абмежавала аперацыі з наяўнай расійскай валютай для замежнікаў. БНБ-Банк заявіў пра ўвядзенне платы ў памеры 5% за прыём наяўных расійскіх рублёў для залічэння на рахункі нерэзідэнтаў.
Новыя правілы будуць уводзіцца ў два этапы:
- з 20 чэрвеня камісія пачне спаганяцца пры залічэнні сродкаў на рахункі, адкрытыя пачынаючы з гэтай даты;
- з 18 ліпеня тарыф стане абавязковы і для тых рахункаў, якія былі адкрытыя да 20 чэрвеня.
БНБ-Банк стаў ужо трэцім буйным банкам краіны, які пайшоў на такі крок. Раней пра ўвядзенне аналагічнай 5%-й камісіі папярэдзілі Альфа-Банк (там змены набудуць моц 14 ліпеня) і МТБанк (уводзіць камісію паэтапна з 19 чэрвеня і 20 ліпеня).
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5959
Каментары