Нарвегія: Расія паінфармавала, што на падлодцы адбыўся выбух газу
Расійскія чыноўнікі праінфармавалі Нарвежскае агенцтва па радыяцыйнай і ядзернай бяспецы аб тым, што на борце глыбакаводнага апарата адбыўся выбух газу. Пра гэта дырэктар агенцтва Пер Странд сказаў у каментары Reuters.
«Мы правялі замеры і не знайшлі занадта высокага ўзроўню радыяцыі ў гэтым раёне», — сказаў ён.
У сваю чаргу міністэрства абароны Расіі абвергла інфармацыю пра выбух газу на навукова-даследчым глыбакаводным апараце ВМФ Расіі, піша РИА Новости.
У выніку пажару, які ўспыхнуў на борце аднаго з падводных апаратаў глыбакаводнай атамнай падлодкі АС-12 ваенна-марскога флоту Расіі, загінулі 14 маракоў.
Сярод загінулых — сямёра капітанаў першага рангу і двое герояў Расіі.
Каментары