З мінулых 300 тысяч мабілізаваных вядомыя імёны як мінімум 19 158 чалавек, што загінулі. Зніклых без вестак і параненых — нашмат больш.
Апошнім часам у расійскіх сацыяльных сетках распаўсюджваецца інфармацыя, што Крэмль можа правесці новую мабілізацыю ўвосень. Найчасцей называецца лічба 1,2 мільёна чалавек. Такую лічбу называе, у прыватнасці, Z-блогер Раманаў. Ён звяртае увагу, у тым ліку, на вучэнні для чыноўнікаў у рэгіёнах, звязаныя з арганізацыяй масавай мабілізацыі.
«Вайна пераходзіць у вайну дронаў. Выцягваць мільён чалавек з эканомікі — вельмі сумнеўная і крайне непапулярная ідэя», — асуджае такую перспектыву адзін з расійскіх каментатараў.
Як піша выданне Kyiv Independent, аналітыкі лічаць, што Расія можа пайсці на новую адкрытую мабілізацыю толькі ў выпадку непасрэднай пагрозы абвалу фронту або пры рэзкім пераходзе да ваеннай эканомікі. Гэта таксама можа сведчыць пра падрыхтоўку да пашырэння вайны за межы Украіны.
Першая хваля «частковай мабілізацыі» ў верасні 2022 года выклікала паніку і справакавала ўцёкі соцень тысяч расіян за мяжу. Цяпер, калі расійская эканоміка ўжо добра падарваная вайной, а грамадства стомленае вялізнай лічбай ахвяр і праблемамі, выкліканымі баявымі дзеяннямі, другая хваля можа аказацца для ўладаў значна больш рызыкоўнай.
«Калі Расія сапраўды распачне ваенную мабілізацыю, гэта будзе прыкметай таго, што рэжым знаходзіцца пад велізарным ціскам і ў палітычнай пастцы», — кажа аналітык Цэнтра стратэгічных і міжнародных даследаванняў Макс Бергман.
Паводле яго, мабілізацыя — гэта «велізарная авантура для Пуціна, стаўка, якая можа паставіць пад пагрозу яго самога і яго рэжым».
Першая і пакуль адзіная мабілізацыя ў Расіі была абвешчаная 21 верасня 2022 года, пасля разгрому расійскіх войскаў пад Ізюмам. Яна працягвалася да канца кастрычніка. Афіцыйна ўлады тады паведамілі пра мабілізацыю 300 тысяч чалавек. Паводле незалежных падлікаў, іх магло быць больш за 527 тысяч.
Паводле апошніх ацэнак аналітыкаў ВВС і «Медыязоны», як мінімум 19 158 тысячы мабілізаваных загінулі — гэта тыя, чые імёны вядомыя. Пры гэтым кожны пяты з гэтых вядомых не пражыў і двух месяцаў пасля мабілізацыі.
Агульную колькасць загінулых расійскіх вайскоўцаў з пачатку поўнамаштабнай вайны і да канца 2025 года аналітыкі ацэньвалі у 352 тысячы чалавек. На сёння яна ўжо набліжаецца да 400 тысяч. Каля паўтара мільёна расіян былі параненыя. Такіх страт не несла ніводная вялікая дзяржава пасля Другой сусветнай вайны. Цяпер, калі рэальныя лічбы страт паступова сталі вядомыя грамадству, стала зніжацца лічба расіян, гатовых ваяваць па кантракце.
Гісторыі беларусаў, якія былі завербаваныя на вайну, вы можаце прачытаць па спасылках ніжэй.
«Нас у групе было 240. У палоне — сямёра. Астатнія двухсотыя». Андрэй з Віцебска, той самы чалавек-адкрывачка стаў адным з сямі шчасліўцаў
26‑гадовы Максім з Баранавіч — новая ахвяра вайны
Бабруйскі ўхілянт бегаў ад войска, пакуль не злавілі. Пасля дэмбеля паехаў ваяваць за Пуціна — у адзін канец
«Жэня пагадзіўся на будоўлю, а не ваяваць. І толькі калі выйдзе з запою!»: як прадалі ў расійскую армію жыхара Лёзна. Ахвяра не адна
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары