КДК паказаў, як разабраўся ў Круглянскім раёне з разбітай дарогай. Гэта трэба бачыць ФОТЫ
Апублікаваныя кантралёрамі фотаздымкі ў фармаце «было» і «стала» прымусяць вас рагатаць.
Камітэт дзяржаўнага кантролю справаздачыўся, як прымусіў улады Круглянскага раёна вырашыць праблему з адзіным пад'ездам да могілак каля вёскі Варгуццева.
На жахлівы стан дарогі кантралёрам паскардзіўся жыхар раёна. Спецыялісты КДК выехалі на месца і пацвердзілі праблему.
«Спецыялісты КДК Магілёўскай вобласці выехалі на месца і ўстанавілі, што ўсе факты пацвердзіліся. Перыядычная падсыпка праблемнага ўчастка праезду сітуацыю не ратуе», — рэзюмавалі ў КДК.
Для абыходу праблемнага ўчастка была зроблена новая аб'язная дарога, піша ведамства.
І публікуе фоты ў фармаце «было» і «стала».
На здымках «да прыезду КДК» — цалкам размытая грунтоўка з глыбокімі каляінамі ад велікагрузнай тэхнікі і вялікімі лужынамі, праз якія немагчыма праехаць.
На свежых кадрах «пасля прыезду КДК» зусім іншая сітуацыя. Няма ні лужын, ні гразі, можна добра праехаць.
Смех у тым, што гэта тая ж дарога. Проста яна летам высахла.
Наталля Калегава расказала пра дапамогу беларускім уцекачам, сваю сям’ю, стаўленне да Ціханоўскай. І патлумачыла, хто такія «бабры» і «зайцы»34
Каментары