У Оршы кандыдата знялі з выбараў за заклік «Фальшывым выбарам баста»
Пра зняцце кандыдата Змітра Казлова паведамляецца на сайце Аршанскага райвыканкама. Кандыдата знялі 8 лістапада, у непрацоўны для большасці людзей дзень.
31-гадовы Зміцер Казлоў быў вылучаны ад Партыі БНФ у Аршанскай гарадской акрузе № 25. Ён балатаваўся як кандыдат ад кампаніі «Еўрапейская Беларусь».
Казлоў кажа, што яго знялі за лозунг «Фальшывым выбарам баста». Раней ён ужо меў адно папярэджанне ад выбаркама.
У дакументах выбаркама Казлоў фігураваў як часова непрацуючы. Казлоў вядзе відэаблог пад назвай «Шэры кот», які мае 3700 падпісчыкаў.
Чытайце таксама: Зміцер Казлоў: «Калі ніхто не будзе змагацца, людзей зробяць рабамі»
Улады знялі з выбараў самых яскравых кандыдатаў ад «Еўрапейскай Беларусі», у тым ліку Ірыну Халіп — жонку экс-кандыдата ў прэзідэнты Андрэя Саннікава, Паліну Шарэнда-Панасюк у Берасці, Паўла Юхневіча ў Мінску.
Кандыдаты ад «Еўрапейскай Беларусі» заклікаюць да змены сістэмы і называюць правальнымі вынікі 25-гадовага кіравання Аляксандра Лукашэнкі.
Зміцер Казлоў сцвярджае, што 8 лістапада яго двойчы затрымлівалі па дарозе ў сталіцу, куды ён кіраваўся на мітынг, скліканы блогерамі. Міліцыя вяртала яго ў Барань (Аршанскі раён), дзе ён жыве.
Удакладненне. У ранейшай версіі артыкула было памылкова пазначана, што Змітру Казлову 35 гадоў, а яму 31. Таксама было пазначана, што яго вярталі тройчы, а яго вярталі двойчы.
-
Што з выездам з Беларусі ў ЕС гэтым летам?
-
Віцэ-губернатар Гомельшчыны пра інцыдэнт пад Бранскам: Перавозчыкі выбралі небяспечны маршрут практычна ў прыфрантавой зоне
-
Дзяржканалы поўняцца абвінавачваннямі на адрас Украіны. Ніводзін дзяржканал не апублікаваў каментары ўкраінцаў. Рэакцыі Лукашэнкі дагэтуль няма
Цяпер чытаюць
Што вядома пра жанчыну, якая загінула ў аўтобусе, што вёз беларускіх футбалістаў-школьнікаў у Геленджык?18
Каментары