БелТА
Пра гэта ён заявіў сёння ў Оршы, піша БелТА.
«Трэба ўціхамірыцца, і ім таксама, за мяжой, узяць галаву ў рукі, супакоіцца і падумаць, у што можа ператварыцца Еўропа, калі тут (у Беларусі) палыхне. Вы ж выдатна разумееце», — падкрэсліў Лукашэнка.
«Вы ўчора чулі заяву нашага суседа і майго добрага сябра (Уладзіміра Пуціна пра рэзерв расійскіх сілавікоў). Гэта ж не таму, што расіяне хочуць абараніць Беларусь. Слухайце, самі абаронімся. Але мы з прэзідэнтам Расіі разумеем, што можа быць, калі мы празяваем», — адзначыў ён.
Паводле яго слоў, у гэтым выпадку Беларусь можа ператварыцца ў тэатр ваенных дзеянняў, дзе «будуць вырашацца не нашы пытанні». «Ім (на Захадзе) Беларусь не патрэбна.
Беларусь — гэта трамплін, як звычайна, у Расію.
Толькі не так, як Гітлер групу армій Цэнтр кінуў на Маскву.
Тэхналогіі іншыя. Трэба зламаць гэтую ўладу, якая ёсць, падсунуць іншую, якая звернецца да замежнай дзяржавы, каб увялі войскі і аказалі падтрымку, — сказаў ён. — Ім патрэбны тут рынак, дзе яны будуць гандляваць сваёй прадукцыяй».
