Грамадства

«Канстытуцыйны дыялог»: Кастусёва з Чэрачнем запрасілі ў Савет Рэспублікі паслухаць даклады студэнтаў 2-га курса 

У панядзелак у Савеце Рэспублікі пад выглядам «дыялогавай пляцоўкі» адбылося мерапрыемства з заяўленай тэмай «Канстытуцыйная рэформа і партыйнае будаўніцтва».

Мяркуючы з праграмы, якая ёсць у «Нашай Нівы», цэнтральнай падзеяй «дыялогавай пляцоўкі» сталі… тэматычныя выступленні другакурснікаў юрфака БДУ, актывістаў «Моладзевага сектару пры Рэспубліканскім саюзе юрыстаў». 

Тры такія дакладчыкі выступілі перад аўдыторыяй пасля вітальнага слова Сяргея Сіўца — старшыні камісіі па заканадаўстве Палаты прадстаўнікоў. 

Даклады заслухалі лідар партыі БНФ Рыгор Кастусёў, старшыня партыі БСДГ Сяргей Чэрачань, ягоны памочнік на выбарах Вадзім Мажэйка, а таксама рознага роду профільныя эксперты: прафесар кафедры экалагічнага і аграрнага права Сяргей Балашэнка, старшыні ўсемагчымых «камісій» «моладзевага парламента», памочнікі членаў Савета Рэспублікі. 

Пасля «выступлення іншых удзельнікаў», якіх не палічылі патрэбным нават прапісаць асобна, зноў з заключным словам выступіў Сівец. 

«Наша Ніва» звярнулася да кіраўніка БНФ Рыгора Кастусёва з просьбай патлумачыць, у чым сэнс ягонага ўдзелу ў падобных мерапрыемствах. 

«Вядома, выступленні студэнтаў былі дзіцячыя, яны зачыталі рэфераты аб зменах у Канстытуцыю, не памятаю ўсе прапановы, але нехта лічыць што трэба асобна прапісаць правы людзей з абмежаванымі магчымасцямі», — тлумачыць Кастусёў. 

Свой прыход Кастусёў патлумачыў асабістым запрашэннем ад Сіўца і патрэбай даносіць пазіцыю да любых людзей з сістэмы. 

«Пасля выступлення студэнтаў мы перайшлі да нейкіх рэальных прапановаў і абмеркавання праблем. Я зазначыў, што гэты «Усебеларускі народны сход» — нелегітымны, туды нікога не абіраюць, туды прызначаюць. Дзеючая Канстытуцыя не выконваецца, нідзе не прапісана, што сілавыя структуры могуць ужываць гвалт да дэманстрантаў, партыя БНФ пад пагрозай ліквідацыі, на нашага сябра заведзена крымінальная справа і гэтак далей», — сказаў Кастусёў, рэзюмаваўшы, што можна было і не хадзіць, але ён вырашыў схадзіць. 

Каментары

Цяпер чытаюць

Ці пагражае Крыму блакада праз паралізаваны Крымскі мост?11

Ці пагражае Крыму блакада праз паралізаваны Крымскі мост?

Усе навіны →
Усе навіны

Расійскія і лукашэнкаўскія СМІ дагэтуль не паведамілі пра руйнаванне Крымскага моста6

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Крымскі мост зруйнаваны ўдарам украінскіх ракет51

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

«Госпадзе, такое трызненне!» Усё больш беларусак пішуць, што ім званілі з міліцыі і пыталіся, ці жывыя яны2

Падлеткі п'юць лекі ад раку, каб стаць вышэйшымі. Дактары б'юць трывогу

Нямецкія футбольныя клубы пачалі абмяжоўваць смартфоны на стадыёнах

больш чытаных навін
больш лайканых навін

Ці пагражае Крыму блакада праз паралізаваны Крымскі мост?11

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць